Debleskri gili 112 - O Debleskro Lab 2024 (Sinte-Manouche)Barhtelo hi kova, kay o Debleskro drom djal 1 Sharedo vell o baro Devel! Barhtelo hi kova, kay djivell o baro Debleha, oun rikrell pes o tselo djiyestar ap leskre laba. 2 Koleskre čave venn zoreles an o tselo them. O baro Devel čivell peskri barht ap kolengre čavende, kay o čačo drom djan. 3 Lengre familye venn bravelo. Len hi lauter, hoy len hounte vell djipaske. Oun lengro čačepen ačell hako tsireske. 4 Ninna an i kali rat vell i momeli kolenge, kay o čačo drom djan, kolenge, kay hi lačo oun kamlo oun djan pal o čačepen. 5 Mishto djal koleske, kay krell peskro dji pre, oun patsell i vavaren vin, oun krell peskro koova yaake har čačo hi. 6 Yob ačell zoreles tardo hako tsireske. Kova, kay an o čačepen tardo hi, vell an kek tsiro bistedo. 7 Les vell kek daar, te shounell lo, kay čilačo koova vella. Yob dikell peskro tselo djiyeha ap o baro Debleste. 8 Zoreles ačell leskro dji, oun darell gar, bis te yob tele dikell ap kolende, kay leske čilačepen kaman. 9 Yob dell boud i čorvelen. Leskro čačepen ačell hako tsireske. Leskri zoor oun leskro raylepen vell baro. 10 O čilačo dikell kova oun rhoyrell pes. I rholyatar dandrell lo i danda khetne. Yob merell, oun kova, hoy kamas lo te krell, hi čičeske. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.