Debleskri gili 11 - O Debleskro Lab 2024 (Sinte-Manouche)Koon ap o Debleste patsella, hi lestar gar bistedo 1 I gili o rayeske pral i gipangre. O David kras kay gili. 1 I gili o rayeske pral i gipangre. O David kras kay gili. Me čivau miro tselo patsepen ap o baro Debleste. Har nay penenn t'mer palle ap mande: “Naash har i čirklo an i berge! 2 Dikeh tou gar, te tserdenn i čilače o bogo oun čivenn pengre fayle koy pre, yaake te denn le khatemen karye ap kolende, kay shounenn pengro tselo djiyeha ap o Debleste. 3 Te perell lauter an kotya, nay krell kova či, kay an o čačepen tardo hi.” 4 O baro Devel hi an peskro raylo baro kheer. Leskro rayeskri beshepaskri hi an o bolepen. Leskre yaka dikenna tele ap i menshende, oun yob lell len an o yak. 5 Yob rodell an i djia i lačendar oun i čilačendar. Koon o čilačepen kamell, ap koleste hi lo peskro tselo djiyeha rhoyedo. 6 Mou dell lo i čilačen i phagi: Yag oun yagakri khand moukell lo pral lende te perell, oun i tato dourho phourdell ap lende. 7 O baro Devel hi an o čačepen tardo, oun kamell hakenes, kay o čačepen krella. Koon ap leste shounella peskro tselo djiyeha, kova dikell les peskre yakentsa. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.