Debleskri gili 101 - O Debleskro Lab 2024 (Sinte-Manouche)Yaake hounte vals i baro ray 1 I gili o Davidestar. 1 I gili o Davidestar. Pral o lačepen oun o čačepen kamau me te givell. Tout, mo baro Debles, kamau me te sharell. 2 Me dau yak, te djap o čačo drom. Kamau te vess pash mande. I djoudjo djiyeha djivau khetne lauterentsa an miro kheer. 3 Rikrau man pale te krap rhorheno koova, oun kamau gar khetne te vell kolentsa, kay bango koova krenn. Savo koova kamau gar glan i yaka te dikell. 4 Kones i rhorheno dji hi, kova hounte djal peske mandar. I čilačen kamau me gar te prindjrell. 5 Koon rakrell čorrhanes djoungelo koova pal o doumo kolendar, kay troul leste hi, koles pandau leskro mouy. Kamau koles gar, kay pre-phourdo hi, oun ap vavar menshende tele dikell. 6 Mire yaka rodenn pal kolende an o them, kay rikrenn pen ap tire laba, te djivenn yon pash mande. Kolen, kay o čačo drom djan, lau me pash mande, te boudrenn le mange. 7 Kolla, kay rakrenn douy čipyentsa, nay ačenna gar an miro kheer, oun i rhorhene hounte djan mange dran i yaka. 8 Hako dives čivau i tsele čilačen an o them pale. Kolen, kay i vavaren čilačepen kran, moukau bouder gar an o baro Debleskro foro te djivell. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.