1. Familjakro liil 1 - O Debleskro Lab 2024 (Sinte-Manouche)

Kalla hi i laba kol morshendar, kolendar i Israelitarya venna: I menshe, kay van pal o Adam

¹ O Adam, o Set, o Enosh,

² o Kenan, o Mahalalel, o Yered

³ o Henok, o Matusalem, o Lamek

⁴ o Noah, o Sem, o Ham, o Yafet.

I menshe, kay van pal o Yafet

⁵ O Yafet: Leskre čave his: o Gomer, o Magog, o Madai, o Yavan, o Toubal, o Meshek oun o Tiras.

⁶ O Gomer: Leskre čave his: o Ashkenas, o Difat oun o Togarma.

⁷ O Yavan: leskre čave his: o Elisha, o Tarsis, i Kitarya oun i Rodanarya.

I menshe, kay van pal o Ham

⁸ O Ham: Leskre čave his: o Koush, o Misrayim, o Pout oun o Kanaan.

⁹ O Koush: Leskre čave his: o Seba, o Havila, o Sabta, o Ragma, oun o Sabteka. O Ragma: Leskre čave his: o Saba oun o Dedan.

¹⁰ O Koush his o phouro dad ko morshestar Nimrod. Kova his o ersto, kay kras pes lo i zorelo ap kay phoub.

¹¹ O Misrayim: Leskre čave his: i Loudarya, i Anamarya, i Lehabarya, i Naftouharya,

¹² ninna i Patrusarya, oun i Kaslouharya oun i Kaftorarya; kolendar van i Filistarya.

¹³ O Kanaan: leskro phoureder čavo his o Sidon. Pal leste vas o Het,

¹⁴ ninna i Yebousarya, i Amorarya, oun i Girgasharya,

¹⁵ oun i Hivarya, i Arkarya, oun i Sinarya,

¹⁶ oun i Arvadarya, i Zemararya, oun i Hamatarya.

I menshe, kay van pal o Sem

¹⁷ O Sem: Leskre čave his: o Elam, o Assour, o Arpaksad, o Loud, o Aram, o Ous, o Houl, o Geter, oun o Meshek.

¹⁸ O Arpaksad: leskro čavo his o Shela. Koleskro čavo his o Eber.

¹⁹ O Eber: Leske van douy čave boldo. Ko yek kharas Peleg. An leskro tsiro ačan i menshe bouder gar khetne. Haki bari familya las peskro them. Doleske vas lo Peleg kharedo. Oun o lab leskro phralestar his Yoktan.

²⁰ O Yoktan: Leskre čave his: o Almodad, o Shelef, o Hazarmavet, o Yera,

²¹ o Hadoram, o Ouzal, oun o Dikla,

²² o Ebal, o Abimael oun o Saba,

²³ o Ofir, o Havila oun o Yobab. Kolla halauter van pal o Yoktan.

²⁴ Kolla van pal o Sem: leskro čavo his o Arpaksad, lestar vas o Shela,

²⁵ lestar vas o Eber, lestar vas o Peleg, lestar vas o Regou,

²⁶ lestar vas o Seroug, lestar vas o Nahor, lestar vas o Tera,

²⁷ lestar vas o Abram, kova hi o Abraham.

O Abrahameskri familya

²⁸ O Abraham his o dad douy morsh čavendar: o Isaak oun o Ismael.

²⁹ O Ismaeles his deesh-te-yek čave, kay yaake boldo van: O phoureder his o Nebayot. Pal leste vas o Kedar oun o Adbeel, oun o Mibsam,

³⁰ o Mishma oun o Douma, o Massa, o Hadad, oun o Tema,

³¹ o Yetour, o Nafish, oun o Kedema. Kolendar lauterendar his o Ismael o dad.

³² O Abrahames his shob čave peskri douyti romyatar Ketura: o Simran, o Yokshan, o Medan, o Midian, o Yishbak oun o Shoua. O Yokshan his o dad douy morsh čavendar: o Saba oun o Dedan.

³³ O Midian his o dad kol morshendar: o Efa, o Efer, o Henok, o Abida, oun o Eldaa. Kolendar halauterendar his i Ketura i day.

O Esaeskri familya

³⁴ O Abraham: Leskro čavo his o Isaak. Koleskre čave his o Esau oun o Yakob (Israel).

³⁵ O Esau: Leskre čave his: o Elifas, o Regouel, o Yehoush, o Yalam, oun o Korah.

³⁶ O Elifas: Leskre čave his: o Teman, oun o Omar, o Zefi oun o Gatam, o Kenas, i Timna oun o Amalek.

³⁷ O Regouel: Leskre čave his: o Nahat, o Zera, o Shamma oun o Missa.

³⁸ O Seir: Leskre čave his: o Lotan, o Shobal, o Sibon, o Ana, o Dishon, o Ezer oun o Dishan.

³⁹ O Lotan: Leskre čave his: o Hori oun o Hemam. O Lotaneskri pheen his i Timna.

⁴⁰ O Shobal: Leskre čave his: o Alvan, o Manahat, o Ebal, o Shefi, oun o Onam. O Sibon: Leskre čave his o Aya oun o Ana.

⁴¹ O Ana: Leskro čavo his o Dishon. Oun koleskre čave his: o Hemdan, o Eshban, o Yitran, oun o Keran.

⁴² O Ezer: Leskre čave his. o Bilhan, o Saavan, oun o Akan. O Dishan: Leskre čave his o Ous oun o Aran.

⁴³ Kalla hi i bare raya an o them Edom, glan ko tsiro, kay i Israelitaryen i baro ray his: Yaake kharenn le: o Bela, koleskro dad o Beor his, oun leskro foro kharas Dinaba.

⁴⁴ Har o Bela meras, vas pal leste o Yobab o ray, koleskro dad o Zera his, dran Bozra.

⁴⁵ Har o Yobab meras, vas pal leste o Housham o ray dran o them Teman.

⁴⁶ Har o Housham meras, vas pal leste o Hadad o ray, koleskro dad o Bedad his. Kova kouras pes i Midianarya, oun das len an o them Moab, oun vas o zorleder. Oun leskro foro kharas Avit.

⁴⁷ Har o Hadad meras, vas pal leste o Samla dran Masreka o ray.

⁴⁸ Har o Samla meras, vas pal leste o Shaul dran Rehobot o ray. O foro Rehobot hi čiddo pash o lengsto pani.

⁴⁹ Har o Shaul meras, vas pal leste o Baal-Hanan o ray, koleskro dad o Akbor his.

⁵⁰ Har o Baal-Hanan meras, vas pal leste o Hadad o ray. Oun leskro foro kharas Paou. Oun leskri romni his i Mehetabel, kolakri day i Matred his, oun kolakro papo o Mesahab his.

⁵¹ Oun har o Hadad meras, his kolla i pralstoune raya pral Edom: o Timna, o Alva, o Yetet,

⁵² o Oholibama, o Ela, o Pinon,

⁵³ o Kenas, o Teman, o Mibzar,

⁵⁴ o Magdiel, oun o Iram. Kolla his i pralstoune pral Edom.