Sams 120 - Pijin Deuterocanon

Prea fo help blong God (Toktok go long olketa pipol.)

(Olketa singim disfala singsing taem olketa goap fo fist long Jerusalem.)

¹ Taem mi stap long trabol, mi kol go long Yawe, an hemi ansarem mi.

² Mi tok olsem, “Lod Yawe, plis yu sevem mi from olketa laea pipol an olketa pipol hu i save mekem trik fo spoelem mi.”

³ Yufala olketa laea pipol, yufala nating save abaotem wanem bae God hemi duim long yufala. Bae hemi barava panisim yufala ya.

⁴ Panis ya bae hemi barava nogud tumas olsem taem olketa sap aro blong olketa soldia i gotru long bodi blong yufala fo kilim yufala dae. An bae yufala filpein long panis ya olsem bikfala faea wea hemi bonem yufala.

⁵ Hemi barava nogud tumas sapos mi stap wetem yufala. Bae hemi barava nogud olsem sapos mi stap kam farawe wetem olketa raf hiden pipol long narafala kantri long Mesek o long Kedaa.

⁶ Mi bin stap longtaem tumas wetem olketa pipol hu i heitem piis.

⁷ Dastawe nao, nomata mi tokabaotem piis, bat yufala laek fo faet nomoa. (Singsing blong Deved. Olketa singim disfala singsing taem olketa goap fo fist long Jerusalem.)