Sams 100 - Pijin DeuterocanonSingsing fo preisim God (Toktok go long olketa pipol.) 1 !Yufala evri pipol long wol mas singsing bikfala go long Yawe! 2 !Yufala mas wosipim hem an gohed fo hapi! !Ya, yufala kam long hem an singim olketa hapi singsing! 3 Yufala mas luksave dat Yawe nao hemi God. Yumi i blong hem ya bikos hem nao hemi mekem yumi. Ya, yumi nao olketa pipol blong hem wea hemi lukaftarem. 4 Yufala mas go insaet long Tambuhaos blong hem fo talem tengkiu long hem, an fo preisim hem. Ya, yumi talem tengkiu long hem an preisim hem 5 Yawe nao hemi gud tumas, an hemi tinghevi long yumi olowe. An olketa promis blong hem fo yumi hemi no save finis. (Singsing blong Deved.) |
Pijin Catholic Bible © Bible Society of the South Pacific, 2008.
Bible Society of the South Pacific