zakaryah 9 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

ra‑d‑yašk‑ugllid ini f‑uġyul

⁹ «frḥ bahra a‑tamdint n‑ṣiyun, tallt awal‑nm a‑urušalim. hay‑agllid‑nm yuška‑d srm. ifulki s‑ufulki ikmmln, iẓḍar a‑ijjnjm. yudr i‑ih̬f‑ns, ini f‑uġyul igan asnus yus n‑tġyult.

¹⁰ rad‑kksġ lkrarṣ i‑ayt‑afraym, kksġ agmarn i‑urušalim, rẓġ kullu lqwas n‑imiġ, izayd ntta ar‑itbrraḥ s‑sslamt i‑ayt‑tmizar n‑ddunit, iġwi lḥukm‑ns zġ‑umda ar wayya, zġ‑wasif imqqurn ar ttmi n‑ddunit.

¹¹ ula kunni, f‑ssibt n‑idammn n‑lɛhd lli‑rad‑didun‑skrġ, rad‑fsiġ i‑willi‑n‑giwn‑ityamaẓn ġ‑ugʷḍi iqqurn.

¹² wa willi ityamaẓn yili sul gisn rrja, wrryat‑d s‑untal‑nun n‑laman. nniġ‑awn ġassad, rad‑awn‑rarġ maylli‑awn‑laḥ f‑snat‑twal.»