yunah 2 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

iẓẓulla yunah zġ‑waḥlig n‑uslm

¹ iẓẓall yunah ġakudan i‑rbbi sidis, iġr‑as zġ‑waḥlig n‑uslm

² yini: «ġriġ‑n i‑sidi rbbi zġ‑tnukmut‑inu, ijawb‑iyi‑d. zġ‑udġar n‑willi mmutnin a‑zġ‑n‑giġ taġuyit, tsfldt i‑wawal‑inu.

³ tluḥt‑iyi‑n ġ‑tdrut, tzzugzt‑iyi ġ‑tuẓẓunt n‑umda, sutln‑iyi‑waman ggutnin, tssattuyt flla anggay n‑taḍangiwin.

⁴ iniġ d‑ih̬f‑inu: ‹hati tdḥit‑iyi‑n a‑ur‑iyi‑sul‑tmnadt, wala sar ẓriġ tigmmi‑nk tamẓlayt.›

⁵ dln‑iyi‑waman, irin a‑yyi‑ssh̬sin, tsutl‑iyi‑tdrut n‑imdwan, d‑ih̬f‑inu tlulliy‑as tuga n‑waman.

⁶ gguzġ ar iẓuran n‑idrarn, qqnn flla ifggagn n‑tdrut. imma kiyi a‑sidi rbbi‑nu, tullt‑iyi‑d zġ‑udġar n‑willi mmutnin, trart‑iyi‑d s‑tudrt.

⁷ h̬da ur‑tffuġ rruḥ‑inu, swangmġ‑d sidi rbbi, tlkm‑k‑in‑tẓallit‑inu s‑tgmmi‑nk tamẓlayt.

⁸ willi umẓnin ġ‑laṣnam h̬wanin, ur‑darsn rrja ġ‑tayri‑nk izgan.

⁹ imma nkki, talġat n‑lḥmd a‑s‑ra‑yk‑n‑ssakmurġ tiġrṣiw. ssafuġ maylli‑s‑ak‑qawlġ. ašku sidi rbbi iga wad ijjnjamn.»

¹⁰ yamr sidi rbbi ġakudan aslm, issufġ‑d yunah s‑wakal.