yahušuɛ 21 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

lwrt n‑ayt‑lawi

¹ aškin‑d ilmma ih̬fawn n‑tagʷmatin n‑ayt‑lawi s‑dar‑umsakmur aliɛazr ula s‑dar yahušuɛ yus n‑nuwn ula s‑dar ih̬fawn n‑tagʷmatin n‑tqbilin n‑ayt‑israyil.

² sawln‑asn ġ‑tmdint n‑šiluh ġ‑wakal n‑kanɛan inin: «sidi rbbi yuṣṣa f‑imi n‑musa ad‑aġ‑tyawfkant‑tmdinin ma‑ġ‑a‑nzddġ ula maniġ a‑nkssa lksibt‑nġ.»

³ skrn mddn n‑ayt‑israyil ġakudan s‑mklli‑f‑yuṣṣa sidi rbbi, ẓlin timdinin‑ad d‑igʷdlan‑nsnt zġ‑lwrt‑nsn, fkn‑tnt i‑ayt‑lawi.

kraygatt awal hati yuwfa

⁴³ ġmkan a‑s‑ifka sidi rbbi i‑ayt‑israyil kullu akal lli‑f‑iggulla a‑t‑ifk i‑id‑babatsn, kšmn srs zdġn gis.

⁴⁴ ifk‑asn sidi rbbi lhna ġ‑kraygatt tasga, ġmklli‑f‑iggulla i‑id‑babatsn. ḥtta yan ġ‑inuwwašn‑nsn ur‑ibidd ġ‑lgddam‑nsn, ašku iga‑n sidi rbbi kullu inuwwašn‑an ġ‑ufus‑nsn.

⁴⁵ ur‑iḍr ḥtta yan ġ‑iwaliwn fulkinin lli‑s‑iqawl sidi rbbi i‑ayt‑israyil. kraygatt awal, hati yuwfa.