ufuġ 15 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

aman smmumnin d‑wid mimnin

²² yini ilmma musa i‑ayt‑israyil ad‑muddun zġ‑umda azggʷaġ. zaydn ġakudan s‑lh̬la n‑šur. ftun kraḍ‑uwssan ġ‑lh̬la, walaynni ur‑gis‑ufin aman.

²³ lliġ‑n‑lkmn marah, ur‑ẓḍarn ad‑sun aman‑ns ašku. ġayan a‑f‑a‑ys‑ttinin marah.

²⁴ wrrin mddn ar‑tngmugn f‑musa ar‑t‑sqsan: «ma ra‑nsu?»

²⁵ iġr musa ġakudan s‑sidi rbbi. iml‑as sidi rbbi yat‑tṣġart, iluḥ‑tt‑in ġ‑waman s‑wrrin mimn. iskr‑asn sidi rbbi yat‑tnbaṭṭ izgan ġ‑marah baš a‑tn‑srs‑itarm ġin.

²⁶ yini‑asn: «iġ‑a‑tsflidm s‑kullu ma‑ittini rbbi siditun, d‑iġ‑a‑tskarm ma‑ifulkin ġ‑iẓri‑nu, d‑iġ‑a‑stti‑ttawim ġ‑aynna‑f‑kʷn‑uṣṣaġ, ar‑ttsalam kullu ma‑s‑kʷn‑umrġ, han ur‑ra‑kʷn‑utġ s‑kra n‑waṭṭan zund willi‑s‑utġ ayt‑miṣr. ašku nkki‑ad igan wad bdda illan, giġ walli‑kʷn‑ijjujin.»

²⁷ lkmn‑d ilmma ilim. ilint gis snat d‑mrawt (12) n‑talɛint n‑waman d‑ssa n‑id‑mraw (70) n‑tayniwt. srsn ġ‑tama n‑waman.