tinbaḍin 5 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

mrawt luṣiyat n‑sidi rbbi

¹ izayd musa issmun‑d kullu ayt‑israyil yini‑asn: «sfldat ay‑ayt‑israyil i‑tnbaḍin d‑lḥkamat lli‑s‑ra‑kʷn‑uṣṣaġ ġassad, baš a‑tnti‑tlmdm, tlhum srsnt ar‑srsnti‑tskarm.

² ašku rbbi da‑illan ig rbbi‑nġ iskr didnġ lɛhd ġ‑ḥurib.

⁶ «yini: ‹nkki a‑igan wad bdda illan, gġ rbbi‑nk lli‑k‑id‑issufġn zġ‑miṣr, zġ‑wakal n‑tsmugit.

⁷ « ‹a‑ur‑sar‑ak‑yili kra n‑rbbi yaḍni bla nkki.

⁸ « ‹a‑ur‑sar‑tskrt i‑ih̬f‑nk kra n‑ṣṣurt inqšn, nġd kra n‑ikʷlan irwasn kra illan ġ‑ignwan ula kra illan ġ‑wakal ula kra illan ġ‑waman n‑gr ikalln,

⁹ baš ad‑as‑tknnut ar‑ti‑ttqasat. ašku nkki da‑igan rbbi sidik, giġ wad išqan f‑ma‑igan winu. winna‑yyi‑kurhanin, ar‑traraġ i‑tarwa‑nsn f‑lh̬ʷšant n‑ayddarsn ar tis kraṭṭ ula tis kkuẓṭ tasutin.

¹⁰ walaynni ar‑ssafawġ lḥnant‑inu izgan i‑wafḍan n‑willi‑yyi‑ittirin ar‑tti‑tawin ġ‑luṣiyat‑inu.

¹¹ « ‹a‑ur‑sar‑tbdrt ġ‑wawal ih̬wan ism n‑‹wad bdda illan› ig rbbi‑nk. ašku wanna ibdrn ism n‑rbbi da‑bdda‑illan ġ‑wawal ih̬wan, ur‑ra‑t‑adjġ bla lɛqubit.

¹² « ‹skar bdda f‑wis ssa n‑uwssan ad‑dark‑itgga ass amẓlay, ġmklli‑k‑yuṣṣa rbbi sidik.

¹³ sḍis‑uwssan a‑ra‑tth̬damt ar‑ttqasat kullu tawuri‑nk,

¹⁴ imma wis ssa n‑uwssan ar‑itgga ass n‑usunfu, ityawẓlay i‑wad bdda illan ig rbbi‑nk. a‑ur‑gis‑tskrt kra n‑twuri kiyi ula yuk ula illik ula amqasa‑nk ula tamqasat‑nk ula amugay‑nk ula aġyul‑nk ula kra ġ‑lksibt‑nk ula abrrani nna‑dark‑igawrn, baš a‑isunfu‑umqasa‑nk ula tamqasat‑nk zund kiyi.

¹⁵ swangm‑d is‑ttin‑tkkit tgit ismg ġ‑wakal n‑miṣr, issufġ‑k‑id rbbi sidik zġ‑ġin s‑uġruḍ itjhhdn d‑ufus imdin. f‑mayan a‑f‑k‑yuṣṣa rbbi sidik ad‑bdda‑ttggat wis ssa n‑uwssan d‑wass n‑usunfu.

¹⁶ « ‹tawit‑stt bdda ġ‑babak d‑innak, ġmklli‑k‑yuṣṣa rbbi sidik, f‑ad‑igatn isggʷasn‑nk, yili‑ak lh̬ir ġ‑wakal lli‑ak‑ifka rbbi‑nk da‑bdda‑illan.

¹⁷ « ‹a‑ur‑tnġt.

¹⁸ a‑ur‑tznut.

¹⁹ a‑ur‑takʷrt.

²⁰ a‑ur‑tinit tuggʷa n‑tkrkas f‑wadjar‑nk.

²¹ « ‹a‑ur‑tirit i‑ih̬f‑nk tamġart n‑wadjar‑nk. a‑ur‑tirit tigmmi n‑wadjar‑nk ula igr‑ns ula amqasa‑ns ula tamqasat‑ns ula amugay‑ns ula aġyul‑ns ula kra yaḍni igan win‑wadjar‑nk.› »