tinbaḍin 27 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

h̬ziyt a‑iga

¹⁴ «illa f‑ayt‑lawi ad‑alln awal‑nsn brrḥn i‑kullu ayt‑israyil inin:

¹⁵ ‹h̬ziyt a‑iga wanna issbiddn kra n‑ṣṣurt inqšn nġd kra n‑ṣṣurt zġ‑maylli ifsin, ttyawskar f‑ufus n‑usiyyaġ, ar‑as‑iknnu ġ‑tntla. wan ġayan iga tajlh̬it ġ‑iẓri n‑sidi rbbi.› rad‑kullu‑sawln mddn inin ‹amin›.

¹⁶ « ‹h̬ziyt a‑iga wanna issḥššamn babas nġd innas.› rad‑kullu‑inin mddn ‹amin›.

¹⁷ « ‹h̬ziyt a‑iga wanna issittin aẓru n‑uwttu n‑wadjar‑ns.› rad‑kullu‑inin mddn ‹amin›.

¹⁸ « ‹h̬ziyt a‑iga wanna ijlan abukaḍ issanf‑t i‑uġaras.› rad‑kullu‑inin mddn ‹amin›.

¹⁹ « ‹h̬ziyt a‑iga wanna ikkisn lḥqq i‑yan igan abrrani nġd igigil nġd tahjjalt.› rad‑kullu‑inin mddn ‹amin›.

²⁰ « ‹h̬ziyt a‑iga wanna ifsadn d‑tmġart n‑babas, ašku izzudf lɛraḍa n‑babas.› rad‑kullu‑inin mddn ‹amin›.

²¹ « ‹h̬ziyt a‑iga wanna ifsadn d‑kra n‑lbhimt.› rad‑kullu‑inin mddn ‹amin›.

²² « ‹h̬ziyt a‑iga wanna ifsadn d‑uwlltmas, tg‑iyt s‑babas nġd innas.› rad‑kullu‑inin mddn ‹amin›.

²³ « ‹h̬ziyt a‑iga wanna ifsadn d‑tḍggʷalt ns.› rad‑kullu‑inin mddn ‹amin›.

²⁴ « ‹h̬ziyt a‑iga wanna inġan adjar‑ns s‑tntla.› rad‑kullu‑inin mddn ‹amin›.

²⁵ « ‹h̬ziyt a‑iga wanna yumẓn tikki a‑iffi idammn n‑yan ur‑iskirn kra yʷh̬šnn.› rad‑kullu‑inin mddn ‹amin›.

²⁶ « ‹h̬ziyt a‑iga wanna ur‑izzgan iwaliwn n‑ulmmud‑ad ġ‑iskkirn‑ns.› rad‑kullu‑inin mddn ‹amin›.»