tinbaḍin 19 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

tanbaṭṭ n‑sin ula kraḍ inagan

¹⁵ «iġ‑illa yan iṣrḍn i‑wayya f‑kra n‑lh̬ʷšant nġd kra n‑tɛddiyt, ur‑yuwdi ġir yan inigi. ur‑ra‑izga‑uṣraḍ abla s‑tuggʷa n‑sin nġd kraḍ inagan.

¹⁶ iġ‑d‑inkr kra n‑inigi bu‑tkrkas, yaštkka s‑kra n‑yan f‑kra n‑lmɛṣiyt,

¹⁷ iqqan‑t‑id nttan d‑walli‑s‑yaštkka ad‑biddn s‑sin ġ‑umnid n‑sidi rbbi d‑umnid n‑imsakmurn d‑imġarn lli‑itḥkamn ġ‑uwssan‑an.

¹⁸ illa f‑imġarn ad‑ldin taġawsa‑yan s‑lmɛqul. iġ‑n‑ufan inigi‑an iga bu‑tkrkas yaštkka s‑gʷmas s‑tkrkas,

¹⁹ iqqan‑kʷn‑d ad‑as‑tskrm ġmklli‑s‑inuwwa a‑t‑iskr i‑gʷmas, baš a‑tssittim lh̬ʷšant zġ‑gratun.

²⁰ ġmkan a‑s‑rad‑sfldn mddn f‑ġaylli ijran, wrrin kullu iksaḍn, d‑ur‑sar‑rad‑daġ‑skrn zund lh̬ʷšant‑an ġ‑darun.

²¹ ad‑ur‑gis‑tḥnnum. ḥkamat fllas, rruḥ s‑rruḥ, ṭiṭṭ s‑ṭiṭṭ, ah̬ṣ s‑wah̬ṣ, afus s‑ufus, aḍar s‑uḍar.»