tasutin 9 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

amdlu d‑lɛafiyt f‑tzdġt n‑rbbi

¹⁵ ġass lli‑ġ‑ttbna‑tzdġt n‑rbbi, iwrri‑umdlu idl tazdġt‑an lli‑igan ah̬iyyam n‑tuggʷa. lliġ‑n‑tḍr tafukt, iwrri‑umdlu irwas lɛafiyt f‑iggi n‑tzdġt n‑rbbi ar zikk ṣbaḥ.

¹⁶ ġmkan ad‑bdda‑ittili, ar‑tt‑idal‑umdlu ġ‑uzal, imma ġ‑iyḍ ar‑itrwas lɛafiyt.

¹⁷ ġakud nna‑ityalal‑umdlu f‑uh̬iyyam, nkrn ayt‑israyil muddun, d‑innaġ ittrs, srsn gis.

¹⁸ ġmklli‑asn‑imala sidi rbbi, a‑s‑a‑tmuddun ayt‑israyil, d‑ġmklli‑asn‑imala, a‑s‑a‑srasn. maḥdd iqama‑umdlu f‑uh̬iyyam, ar‑tqaman ġin.