tasutin 5 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

a‑ur‑yili kra indsn ġ‑usras

¹ isawl‑d sidi rbbi s‑musa yini‑as:

² «ini i‑ayt‑israyil ad‑ssufġn zġ‑usras anjdam nna‑gis‑illan, ula wanna‑zġ‑ftan idammn nġd arsḍ, ula wanna indsn s‑twaggra i‑kra immutn.

³ ssufġat‑tn s‑brra n‑usras, gn‑iyt iwtman nġd tiwtmin, ad‑ur‑ndsn asras lli‑ġ‑zdġġ nkki ġ‑wammas‑nsn.»

⁴ skrn ayt‑israyil ġmkan, ssufġn‑tn s‑brra n‑usras. ġmklli‑f‑yuṣṣa sidi rbbi musa, ġmkan ad‑skrn ayt‑israyil.

⁵ isawl‑d daġ sidi rbbi s‑musa yini‑as:

⁶ «ini i‑ayt‑israyil: ‹iġ‑iffuġ kra n‑urgaz nġd tamġart zġ‑uġaras n‑rbbi da‑illan ard itɛdda f‑wayya, han lɛqubit a‑fllas‑illan.

⁷ ih̬ṣṣa‑t a‑iqrra s‑tɛddiyt‑ns, ih̬llṣ f‑kullu lh̬ʷšant lli‑iskr, izayd‑as tis smmust‑twal‑ns, ifk‑t i‑walli‑f‑itɛdda.› »