tasutin 27 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

awal n‑rbbi f‑yahušuɛ

¹² isawl‑d sidi rbbi s‑musa yini‑as: «ġli s‑uwrir‑ad n‑ɛabarim, tẓrt akal lli‑fkiġ i‑ayt‑israyil.

¹³ tigira n‑ma‑ti‑tẓrit, ra‑ttyattayt s‑gr id‑babak, ġmklli ityattay gʷmak harun.

¹⁴ ašku tɛṣam awal‑inu ġ‑lh̬la n‑ẓiyn, ġakud lli‑ġ‑didi‑tẓi tamunt. ur‑yyi‑tgim d‑rbbi amẓlay ġ‑lgddam n‑ayt‑israyil ġakud lli‑ġ‑d‑ffin‑waman.» aman‑an gan win mariba ġ‑qadaš ġ‑lh̬la n‑ẓiyn.

¹⁵ isawl musa ġakudan i‑sidi rbbi yini:

¹⁶ «wa rbbi da‑bdda‑illan, wa rbbi da‑itggan rruḥ ġ‑kullu ma‑iṭṭafn tifiyi, ḍalbġ‑ak a‑tẓlit yan‑urgaz ma‑itggan ih̬f f‑tamunt‑ad,

¹⁷ baš a‑itffuġ ar‑d‑ikššm ġ‑lgddam‑nsn, ar‑asn‑izgguru iġ‑ffuġn ula iġ‑kšmn, a‑ur‑tg tamunt n‑sidi rbbi zund ulli bla amksa.»

¹⁸ yini sidi rbbi i‑musa: «awi yahušuɛ yus n‑nuwn. iga nttan wad ġ‑illa rruḥ‑inu. tsrst fllas afus‑nk,

¹⁹ tssbiddt‑t‑in ġ‑lgddam n‑umsakmur aliɛazr ula tamunt kullutt, tuṣṣat‑t ġ‑umnid‑nsn.

²⁰ tfkt‑as kra zġ‑tḥkimt‑nk baš ad‑srs‑tsflid kullu tamunt n‑ayt‑israyil.

²¹ ra‑itbiddad ġ‑lgddam n‑umsakmur aliɛazr, a‑n‑igar aliɛazr aṣġar n‑‹urim› ġ‑umnid n‑sidi rbbi baš a‑yissan ma‑fllas‑illan a‑t‑iskr. s‑wawal‑ns a‑s‑ra‑itffuġ ntta ula tamunt n‑ayt‑israyil kullutt, d‑wawal‑ns a‑s‑rad‑d‑kššmn.»

²² iskr musa maylli‑f‑t‑yuṣṣa sidi rbbi, yawi yahušuɛ issbidd‑t ġ‑lgddam n‑umsakmur aliɛazr d‑tamunt kullutt.

²³ isrs fllas musa ifassn‑ns, yuṣṣa‑t ġmklli‑s‑as‑d‑inna sidi rbbi.