tasutin 21 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

tinri f‑kra ġ‑ayt‑kanɛan

¹ agllid n‑ɛarad iḥkam ġ‑lh̬la n‑nagab, ig nttan zġ‑ayt‑kanɛan. isfld is‑umẓn ayt‑israyil aġaras n‑atarim. iffuġ‑d yakʷi fllasn, yawi kra gisn s‑iskraf.

² ggalln ayt‑israyil i‑sidi rbbi ġakudan inin‑as: «iġ‑tgit mddn‑an ġ‑gr ifassn‑nġ, ra‑nfnu timdinin‑nsn, nfk‑ak kullu ma‑gisnt‑illan.»

³ isfld sidi rbbi i‑wawal n‑ayt‑israyil, ig mddn‑an n‑ayt‑kanɛan ġ‑gr ifassn‑nsn, fnun‑tn ntni d‑tmdinin‑nsn. gn ism ‹ḥurma› i‑udġar‑an [tga lmɛna‑ns ‹lfna›].

algʷmaḍ n‑wanas

⁴ muddun mddn zġ‑udrar n‑hur, kn aġaras n‑umda azggʷaġ baš ad‑anfn i‑wakal n‑adum. walaynni ur‑sul‑gisn ma‑itṣbarn ġ‑uġaras.

⁵ ar‑sawaln mddn‑an ġ‑rbbi ula musa inin: «mah̬ aylliġ‑aġ‑di‑tiwim zġ‑miṣr a‑nmmt ġ‑lh̬la‑ya? ur‑gis ma‑nštta ula ma‑nssa. iḥaša‑uwl‑nġ amššu‑ad ifssusn.»

⁶ yazn‑d sidi rbbi ilgʷmaḍn ġ‑illa ssmm, lbin mddn, immt kigan ġ‑ayt‑israyil.

⁷ aškin‑d mddn s‑dar musa inin‑as: «ha‑yaġ njla bahra, ašku nsawl ġ‑sidi rbbi ula gik. ẓẓall i‑sidi rbbi ġilad, tḍalbt‑as a‑n‑fllanġ‑yasi ilgʷmaḍn‑ad.» iẓẓall musa ġakudan f‑mddn.

⁸ irar‑d sidi rbbi i‑musa: «skr yan‑ulgʷmaḍ zġ‑wanas, tallt‑t f‑iggi n‑yan‑uggjdi. wanna ityawlbayn imnad‑n gis, ra‑iddr.»

⁹ iskr musa yan‑ulgʷmaḍ zġ‑wanas, ig‑t‑in f‑uggjdi. wanna ilbi kra n‑ulgʷmaḍ, imnad‑n ġ‑walli n‑wanas iddr.

tinri f‑siḥun d‑ayt‑amur

²¹ aznn ayt‑israyil irqqasn s‑siḥun agllid n‑ayt‑amur inin‑as:

²² «nḍalb‑ak ad‑aġ‑tadjt a‑nzri zġ‑tmazirt‑nk. ur‑ra‑nkšm s‑kra n‑igr ula kra n‑uwrti n‑waḍil, ula nswa zġ‑kra n‑wanu. aġaras n‑ugllid a‑ra‑nk ard nzri iwtta‑nk.»

²³ walaynni siḥun ur‑yudji ayt‑israyil ad‑zrin zġ‑tmazirt‑ns. issmun kullu irgazn‑ns ffuġn‑d s‑ayt‑israyil ġ‑lh̬la, lkmn‑tn ġ‑uduwwar n‑yahaṣ akʷin fllasn.

²⁴ imma ayt‑israyil utn‑t s‑uwzzal, amẓn akal‑ns zġ‑wasif n‑arnun ar asif n‑yabbuq, ṭṭafn‑t ar awttu n‑ayt‑ɛammun, ašku awttu n‑ɛammun idus.

²⁵ amẓn ayt‑israyil kullu timdinin‑an. ġmkan a‑s‑kullu‑ɛmmrn timdinin n‑ayt‑amur zġ‑ḥašbun ar kullu ma‑ys‑isutln.

tinri f‑ɛug d‑ayt‑bašan

³¹ gawrn ayt‑israyil ġ‑wakal n‑ayt‑amur.

³² yazn musa ma‑n‑itaggʷn tamazirt n‑yaɛzr, ddun ilmma amẓn iduran‑an, ssufġn ayt‑amur lli‑gisn‑llanin.

³³ zaydn ilmma awnn i‑uġaras s‑tmazirt n‑bašan. iffuġ‑d ɛug agllid n‑bašan d‑irgazn‑ns ad‑d‑fllasn‑akʷin mmaġn didsn ġ‑dar‑tmdint n‑idrɛi.

³⁴ yini sidi rbbi i‑musa: «ad‑ur‑zġ‑gis‑tiksaḍt. hatin giġ‑t ġ‑ufus‑nk, ntta d‑mddn‑ns d‑tmazirt‑ns, tskrt‑as ġmklli tskrt i‑siḥun agllid n‑ayt‑amur lli‑sttin‑ikkan izdġ ġ‑ḥašbun.»

³⁵ zaydn ġmkan nrun‑t ntta d‑tarwa‑ns d‑mddn‑ns kullutn aylliġ ur‑sul‑gisn‑iqama yan. wrrin ṭṭafn tamazirt‑ns.