tasutin 12 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

targgimt n‑maryam d‑harun

¹ tnkr maryam d‑harun rgmn ġ‑musa f‑ssibt n‑uwllt‑ḥabaš lli‑itahl, ašku yiwi‑d ntta taslit zġ‑ayt‑ḥabaš.

² inin: «izd musa waḥdut a‑zġ‑d‑isawl sidi rbbi? is‑ur‑d‑zġ‑ginġ‑isawl ula nkkʷni?» isfld sidi rbbi i‑mad‑nnan.

³ musa iga wad itṣbarn uggʷar n‑kullu mddn lli‑illan f‑uwdm n‑wakal.

⁴ isawl‑d sidi rbbi ġakudan s‑musa d‑harun d‑maryam yini‑asn: «ffuġat‑d s‑kraḍitun s‑uh̬iyyam n‑umnaggar.» ffuġn s‑kraḍitsn.

⁵ igguz‑d sidi rbbi ġ‑tannalt n‑umdlu, ibidd ġ‑imi n‑uh̬iyyam, iġr‑d i‑harun d‑maryam, akmurn‑in sinitsn s‑umnid‑ns.

⁶ yini‑asn: «sfldat i‑ma‑rad‑awn‑iniġ. wanna isawaln ġ‑gratun s‑iwaliwn n‑rbbi siditun, ar‑as‑malaġ ih̬f‑inu ġ‑tiwuẓra, ar‑srs‑sawalġ ġ‑twargiwin,

⁷ imma ah̬ddam‑inu musa, urd ġmkan a‑illan ġ‑griyi dids. hati ar‑iskar maylli‑kullu‑gis‑riġ ġ‑wammas n‑mddn‑inu.

⁸ ar‑srs‑sawalġ udm s‑uwdm s‑wawal inmn, urd s‑lmɛni ntlnin. ar‑itmnad ssift n‑rbbi da‑bdda‑illan. mah̬ ur‑tksuḍm aylliġ‑a‑trggmm ġ‑uh̬ddam‑inu musa?»

⁹ iznd fllasn lġaḍab n‑sidi rbbi ifl‑tn.

¹⁰ lliġ ityalal‑umdlu f‑uh̬iyyam, ha maryam tjdm, tmllul zund adfl. igrawl harun ġ‑maryam s‑tt‑iẓra tga tanjdamt.

¹¹ iḍalb harun musa: «wa sidi a‑ur‑aġ‑tɛaqbt nkkʷni‑ad ijlan nskr s‑unufl.

¹² a‑ur‑tti‑tadjt zund amsrug d‑iffuġn zġ‑waḥlig n‑innas trkm mnaṣṣ n‑tfiyi‑ns.»

¹³ iġr musa ġakudan s‑sidi rbbi yini: «wa rbbi, ḍalbġ‑k ġilad a‑stti‑tjjujit.»

¹⁴ irar‑d sidi rbbi i‑musa: «mra is‑issufs babas f‑uwdm‑ns, is‑ur‑ra‑trgs f‑lɛib‑ns ssa n‑uwssan? ssufġat‑stt s‑brra n‑usras ssa n‑uwssan, twrri‑d ilmma tkšm.»

¹⁵ ssufġn maryam s‑brra n‑usras ssa n‑uwssan. ur‑zuydn mddn f‑umuddu‑nsn aylliġ‑di‑twrri.

¹⁶ lliġ izri mayan, nkrn mddn muddun zġ‑ḥaṣirut, srsn ġ‑lh̬la n‑faran.