naḥamyah 7 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

naḥamyah iḥasb tagʷmatin

¹ lliġ tkmml‑tbnnayt n‑ugadir, ssrṣuġ iflwan, ssbiddġ aḍafn n‑imawn d‑inḍḍamn d‑ayt‑lawi ġ‑idġarn‑nsn,

² gġ urušalim ġ‑ddu‑ufus n‑gʷma ḥanani, ntta d‑ḥananyah lli‑igan ariyas n‑lqṣr, ašku iga bab n‑lḥqq ar‑ituqqar rbbi uggʷar n‑wiyyaḍ.

³ iniġ‑asn: «ad‑ur‑tnurẓumm imawn n‑urušalim ard‑di‑trġ tafukt, tqqnm‑tn ilmma sul llan‑waḍafn baš ad‑zzgan iflwan s‑ifggign. styat aḍafn zġ‑gr imzdġn n‑urušalim, a‑n‑itbiddad kra gisn ġ‑lbruj n‑ugadir d‑kra ġ‑lgddam n‑tgʷmma‑nsn.»

⁴ ašku tusɛa‑tmdint tmqqur ġ‑uwssan‑an, walaynni drusn imzdġn‑ns, ašku ur‑ta‑tyawbnant‑tgʷmma lli‑ih̬ʷlan.

⁵ ig ilmma rbbi ġ‑uwl‑inu ad‑d‑ssmunġ ih̬fawn n‑tagʷmatin d‑ingabaln d‑wiyyaḍ kullutn, baš ad‑ḥasbġ tagʷmat n‑kraygatt tasut. tizi‑an ufiġ arra n‑tasutin n‑willi‑d‑izwurn is‑d‑iwnn, tyaran gis ismawn‑nsn.

⁶ ġmkad ad‑gan ayt‑tmazirt‑nġ lli‑d‑yiwnn zġ‑gr willi issukf nabuh̬adnaṣr agllid n‑babil yawi‑tn s‑babil. wrrin‑d ntni s‑urušalim ula s‑wakal n‑yahuda, kraygatt yan s‑tmdint‑ns.

⁷³ ġmkan ad‑wrrin zdġn imsakmurn ġ‑tmdinin‑nsn, ntni d‑ayt‑lawi d‑waḍafn n‑imawn d‑inḍḍamn d‑kra iggutn ġ‑mddn‑nġ. lliġ ilkm‑wayyur wis ssa, ilin ih̬ddamn n‑tgmmi tamẓlayt ula kullu ayt‑israyil ġ‑tmdinin‑nsn.