malah̬i 4 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

ass ihiyyan n‑rbbi da‑illan

¹ «hati ra‑d‑yašk‑wass lli‑irġan zund afarnu. han willi issimġurn ih̬f‑nsn d‑willi iskarn lh̬ʷšant, ġassan rad‑kullu‑jdrn zund ilibi, d‑ur‑ra‑gisn‑iqama‑la‑uẓur ula aṣṭṭa. inna‑t rbbi n‑lmlayka da‑bdda‑illan.

² «imma kunni‑ad ituqqarn ism‑inu, ra‑d‑fllawn‑ifaw‑ufulki iṣfan zund tafukt, ijjuji‑kʷn s‑iznzarn‑ns. ra‑tffuġm ar‑ttakʷim zund igayzn‑d‑irẓmn zġ‑ugrur.

³ ra‑ttakʷlm f‑ayt‑lh̬ʷšant ġ‑wass lli‑ġ‑qṣadġ mayad, gn ntni zund iġd ġ‑ddu iḍarn‑nun. inna‑t rbbi n‑lmlayka da‑bdda‑illan.

⁴ «swangmat‑d almmud n‑uh̬ddam‑inu musa, ula tinbaḍin d‑lḥkamat lli‑s‑t‑uṣṣaġ ġ‑udrar n‑ḥurib f‑kullu ayt‑israyil.

⁵ hati ra‑ywn‑in‑aznġ nnabi iliyah a‑n‑izwur ass ihiyyan issiwidn n‑rbbi da‑bdda‑illan.

⁶ ra‑irar ulawn n‑imzwura ad‑d‑mšaškan d‑tarwa‑nsn, irar ulawn n‑tarwa ad‑d‑mšaškan d‑imzwura‑nsn, a‑ur‑n‑aškiġ utġ akal fnuġ‑t.»