malah̬i 3 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

ra‑d‑yašk s‑tgmmi‑ns tamẓlayt

¹ «hati ra‑n‑aznġ arqqas‑inu ad‑iyi‑izwur, ijjujad‑iyi aġaras, yašk‑id siditun lli‑tsiggilm ġil ġil s‑tgmmi‑ns tamẓlayt. arqqas n‑lɛhd lli‑tram bahra, hati ifta‑d. inna‑t rbbi n‑lmlayka da‑bdda‑illan.

² walaynni ma‑ra‑sul‑ibidd ġassan ġ‑d‑yuška? ma‑ra‑yiẓḍar a‑iqama iddr ġakud lliġ‑d‑iban? han ra‑ig zund lɛafiyt lli‑iṣṣfawn nnʷqrt, ig zund aman ḥrranin lli‑issġusn taḍut.

³ ra‑igawr zund yan iṣṣfawn nnʷqrt ar‑tt‑issġus. ra‑iṣṣfu ayt‑lawi zund urġ d‑nnʷqrt, awin‑d ilmma asakmur iṣlaḥn i‑rbbi siditun.

⁴ asakmur n‑yahuda d‑urušalim, ra‑srs‑irḍu rbbi siditun, zund isggʷasn lli‑zrinin, zund ussan n‑zman.»

ismawn n‑willi ituqqarn rbbi

¹³ inna sidi rbbi: «iwaliwn šqanin a‑flla‑tnnam, imil tsqsam‑iyi: ‹ma‑fllak‑nenna?›

¹⁴ ha ma‑tnnam kunni: ‹bla lfaytt a‑ntqasa rbbi. ur‑ra‑yġ‑yili yat iġ‑a‑nskar s‑luṣiyt‑ns ar‑nssdullu ih̬f‑nġ ġ‑umnid n‑sidi rbbi n‑lmlayka.

¹⁵ ašku willi issimġurn ih̬f‑nsn f‑wiyyaḍ, nga‑tn d‑isaɛdiyn. d‑willi itrbaḥn s‑lh̬ʷšant, ar‑tarmn rbbi bahra, d‑ntni ur‑tn‑yaġ yat.›

¹⁶ nkrn ilmma willi ituqqarn sidi rbbi, sawln i‑ngratsn. isfld‑asn sidi rbbi yawi‑tt gisn. tyaran ġakudan ismawn‑nsn ġ‑yan‑warra ġ‑umnid‑ns, a‑ig akttay f‑willi ituqqarn walli bdda illan ar‑ssimġurn ism‑ns.

¹⁷ yini ilmma sidi rbbi n‑lmlayka: «ġwid a‑rad‑gġ d‑winu ġ‑wass lli‑ġ‑qṣadġ a‑d‑gis‑ssmunġ mddn‑inu ɛzzanin. rad‑fllasn‑rḍuġ ġmklli itrḍu yan f‑yus lli‑t‑itqasan.

¹⁸ ġakudan rad‑daġ‑tẓrm ma‑ibḍan willi ṣlaḥnin d‑willi ʷh̬šnnin, ula ma‑ibḍan yan itqasan rbbi d‑yan ur‑t‑itqasan.»