isizwur 5 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

tasutin n‑adam d‑tarwa‑ns

¹ ġmkad a‑iga‑warra n‑tasutin n‑adam. ġakud lliġ ih̬lq rbbi adam, iskr‑tn rbbi f‑ṣṣurt‑ns.

² awtm d‑tuwtmt ih̬lq‑tn ibark‑tn. ig‑asn ism ‹adam› ġ‑wass lli‑ġ‑tn‑ih̬lq.

³ lliġ irgl adam miyya d‑kraḍ id‑mraw (130) n‑usggʷas, yaru yan‑warraw f‑ṣṣurt‑ns ig zund nttan, ig‑as ism šit.

⁴ tigira n‑ma‑dars‑ilul šit, ik sul adam tam id‑miyya (800) n‑usggʷas, yaru gisn ifrh̬an d‑tfrh̬in yaḍni,

⁵ aylliġ irgl adam ṭẓa n‑id‑miyya d‑kraḍ id‑mraw (930) n‑usggʷas immt.

⁶ lliġ irgl šit miyya d‑smmus (105) n‑usggʷas, yaru anuš.

⁷ tigira n‑ma‑dars‑ilul anuš ik sul šit tam id‑miyya d‑ssa (807) n‑usggʷas, yaru gisn ifrh̬an d‑tfrh̬in yaḍni,

⁸ aylliġ irgl šit ṭẓa n‑id‑miyya d‑mraw d‑sin (912) n‑usggʷas immt.

⁹ lliġ irgl anuš ṭẓa n‑id‑mraw (90) n‑usggʷas, yaru qinan.

¹⁰ tigira n‑ma‑dars‑ilul qinan ik sul anuš tam id‑miyya d‑mraw d‑smmus (815) n‑usggʷas, yaru gisn ifrh̬an d‑tfrh̬in yaḍni,

¹¹ aylliġ irgl anuš ṭẓa n‑id‑miyya d‑smmus (905) n‑usggʷas immt.

¹² lliġ irgl qinan ssa n‑id‑mraw (70) n‑usggʷas, yaru mahlalil.

¹³ tigira n‑ma‑dars‑ilul mahlalil ik sul qinan tam id‑miyya d‑kkuẓ id‑mraw (840) n‑usggʷas, yaru gisn ifrh̬an d‑tfrh̬in yaḍni,

¹⁴ aylliġ irgl qinan ṭẓa n‑id‑miyya d‑mraw (910) n‑usggʷas immt.

¹⁵ lliġ irgl mahlalil sḍis id‑mraw d‑smmus (65) n‑usggʷas, yaru yarid.

¹⁶ tigira n‑ma‑dars‑ilul yarid ik sul mahlalil tam id‑miyya d‑kraḍ id‑mraw (830) n‑usggʷas, yaru gisn ifrh̬an d‑tfrh̬in yaḍni,

¹⁷ aylliġ irgl mahlalil tam n‑id‑miyya d‑ṭẓa n‑id‑mraw d‑smmus (895) n‑usggʷas immt.

¹⁸ lliġ irgl yarid miyya d‑sḍis id‑mraw d‑sin (162) n‑usggʷas, yaru ah̬nuh̬.

¹⁹ tigira n‑ma‑dars‑ilul ah̬nuh̬ ik sul yarid tam id‑miyya (800) n‑usggʷas, yaru gisn ifrh̬an d‑tfrh̬in yaḍni,

²⁰ aylliġ irgl yarid ṭẓa n‑id‑miyya d‑sḍis id‑mraw d‑sin (962) n‑usggʷas immt.

²¹ lliġ irgl ah̬nuh̬ sḍis id‑mraw d‑smmus (65) n‑usggʷas, yaru matušalaḥ.

²² tigira n‑ma‑dars‑ilul matušalaḥ ar‑bdda‑itmunu ah̬nuh̬ d‑rbbi kraḍ id‑miyya (300) n‑usggʷas, yaru gisn ifrh̬an d‑tfrh̬in yaḍni,

²³ aylliġ irgl ah̬nuh̬ kraḍ id‑miyya d‑sḍis id‑mraw d‑smmus (365) n‑usggʷas.

²⁴ ah̬nuh̬ ar‑bdda‑itmunu d‑rbbi, imil laḥ‑t ašku yiwi‑t rbbi.

²⁵ lliġ irgl matušalaḥ miyya d‑tam id‑mraw d‑ssa (187) n‑usggʷas, yaru lamik.

²⁶ tigira n‑ma‑dars‑ilul lamik ik sul matušalaḥ ssa n‑id‑miyya d‑tam id‑mraw d‑sin (782) n‑usggʷas, yaru gisn ifrh̬an d‑tfrh̬in yaḍni,

²⁷ aylliġ irgl matušalaḥ ṭẓa n‑id‑miyya d‑sḍis id‑mraw d‑ṭẓa (969) n‑usggʷas immt.

²⁸ lliġ irgl lamik miyya d‑tam id‑mraw d‑sin (182) n‑usggʷas, yaru yan‑warraw.

²⁹ ig‑as ism nuḥ yini: «ġwad a‑ra‑yġ‑isshnnu zġ‑tmmara lli‑nkkat s‑unhataf n‑ifassn‑nġ ġ‑wakal‑ad lli‑ih̬za sidi rbbi.»

³⁰ tigira n‑ma‑dars‑ilul nuḥ, ik sul lamik smmus id‑miyya d‑ṭẓa n‑id‑mraw d‑smmus (595) n‑usggʷas, yaru gisn ifrh̬an d‑tfrh̬in yaḍni,

³¹ aylliġ irgl lamik ssa n‑id‑miyya d‑ssa n‑id‑mraw d‑ssa (777) n‑usggʷas immt.

³² lliġ irgl nuḥ smmus id‑miyya (500) n‑usggʷas, yaru sam d‑ḥam d‑yafat.