išaɛyah 66 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

rrḍa n‑sidi rbbi

¹ ha ma‑inna sidi rbbi: «ignna iga lɛrš‑inu, ig‑wakal aẓru lli‑f‑a‑n‑srasġ iḍarn‑inu. man tigmmi a‑rad‑iyi‑tbnum? man taḥanut a‑ġ‑rad‑sunfuġ?

² is‑urd afus‑inu a‑iskrn kullu tiġawsiwin‑ad aylliġ wrrint llant?» sidi rbbi ayd isawln. «ġmkad a‑ra‑ig yan‑s‑rḍiġ nkki. a‑ig wad iẓẓimẓayn ih̬f‑ns, issḥssu ġ‑uwl‑ns, ar‑itrgigiy f‑wawal‑inu.»

¹² ha ma‑inna sidi rbbi [f‑urušalim]: «han ra‑n‑gis‑ffiġ lhna zund asif, ftunt‑d‑srs‑tmih̬ar n‑tmizar zund lɛin ingin. ra‑tgt zund azzan issumumn lli‑tusi innas f‑tsga‑ns, ar‑ti‑tssrkaḍ f‑ifaddn‑ns.

¹³ ġmklli tssfjjij‑tmġart f‑warraw‑ns, ġmkan a‑ra‑fllawn‑ssfjjijġ. s‑ṣṣaḥt ra‑tfjjijm ġ‑urušalim.

¹⁴ ra‑tẓrm mayan ifrḥ‑uwl‑nun, buġlun ih̬ṣan‑nun zund tuga.» ra‑d‑iban is‑illa‑ufus n‑sidi rbbi d‑ih̬ddamn‑ns, yili lġaḍab‑ns f‑inuwwašn‑ns.

¹⁵ ašku ha sidi rbbi, s‑lɛafiyt a‑s‑ra‑d‑yašk, munnt‑d dids lkrarṣ n‑lfrtunt itjhhdn, a‑d‑izzugz lġaḍab‑ns irġan, yut lɛqubit s‑lɛafiyt ijddrn.

¹⁶ ašku lɛafiyt d‑uwzzal a‑s‑ra‑yut sidi rbbi lḥukm f‑kullu bnadm, igatn willi ra‑ityawhlak f‑ufus n‑rbbi da‑bdda‑illan.