išaɛyah 6 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

iban‑d sidi rbbi i‑išaɛyah

¹ asggʷas lli‑ġ‑immut‑ugllid ɛuzziyah, ẓriġ siditnġ iskiws f‑lɛrš, illa‑n ġ‑tattuyt iɛlan. inrfal n‑tmlsit‑ns ɛmmrn‑d tigmmi n‑rbbi.

² ġ‑uflla ssutln‑as lmlayka n‑‹sarafim›, kraygatt yan iṭṭaf sḍis ifrawn. sin ar‑srsn‑idal udm‑ns, sin ar‑srsn‑idal iḍarn‑ns, sin ar‑srsn‑itaylal.

³ ar‑tmjawabn i‑ngratsn ar‑ttinin: «amẓlay, amẓlay, amẓlay a‑iga rbbi n‑lmlayka. lmajd‑ns iɛmmr kullu ddunit.»

⁴ immussa kullu llsas n‑tannalin s‑ijjij n‑twaġra‑nsn, tɛmmr‑tgmmi n‑rbbi s‑wawwu.

⁵ iniġ nkki ġakudan: «taguḍi ad‑iyi‑illan. ha‑yyi hlkġ, ašku ndsn infurn‑inu, zdġġ ġ‑wammas n‑yan‑uqbil lli‑mi‑ndsn infurn‑nsn, d‑nkki ha‑yyi ẓriġ agllid da‑igan sidi rbbi n‑lmlayka.»

⁶ yayll‑d dari ġakudan yan zġ‑sarafim, yasi‑d yat‑trgit irġan. yusi‑tt‑id s‑iġʷmdan zġ‑dar ṭṭabla n‑lbh̬ur.

⁷ iggr‑d srs i‑imi‑nu yini‑yyi‑d: «hatti tggr i‑infurn‑nk, yitti fllak ġaylli‑k‑indsn, tyawsfaḍn ddnub‑nk.»

isawl‑d sidi rbbi s‑išaɛyah

⁸ sfldġ ġakudan i‑wawal n‑siditnġ inna: «manwa ra‑nazn? manwa ra‑iddu s‑ism‑nġ?» jawbġ: «ha nkki, azn‑iyi.»

⁹ yini‑yyi‑d: «zayd, tinit i‑mddn‑an: ‹sflidat bahra, walaynni ur‑ra‑tfhmm maylli‑mi‑tsfldm. mnadat bahra, walaynni ur‑ra‑tissanm maylli tmnadm.›

¹⁰ ssiqar ih̬fawn n‑mddn‑ad, tqqnt imzgan‑nsn, tssbukḍt alln‑nsn, f‑ad‑ur‑ẓrn s‑walln‑nsn ula sfldn s‑imzgan‑nsn ula fhmn ġ‑ih̬f‑nsn, a‑ur‑wrrin jjin.»

¹¹ iniġ ilmma: «ar managu a‑siditnġ?» irar‑iyi‑d: «ard gnt‑tmdinin ih̬rubba, laḥ gisnt imzdġn, h̬lunt‑ula‑tgʷmma, laḥ gisnt mddn. ard twrri‑tmazirt tg lh̬la ih̬wan.

¹² ġmkan a‑ra‑iskr rbbi da‑illan, issitti bnadm s‑mani yaggugn ard wrrin h̬wun ikalln ġ‑tmazirt kullutt.

¹³ wah̬h̬a gis iqama yan ġ‑kraygatt mraw, rad‑daġ‑ttyawjdar zund aṣġar n‑igg nġd aṣġar n‑tasaft mi iqama‑ugȷ̈̇ȷ̈̇a tigira n‑ma‑ityawbbay. hay‑agȷ̈̇ȷ̈̇a‑ns a‑ġ‑illa‑wamud amẓlay.»