išaɛyah 59 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

lhalak n‑ayt‑lɛar

¹ ẓrayt han ur‑igzzul‑ufus n‑sidi rbbi aylliġ ur‑iẓḍar a‑ijjnjm. d‑ur‑iẓẓay‑umẓẓuġ‑ns aylliġ ur‑iẓḍar a‑isfld.

² walaynni iskkirn‑nun ʷh̬šnnin a‑kʷn‑issngaran d‑rbbi‑nun. lɛyub‑nun a‑n‑fllawn‑issntaln udm‑ns aylliġ ur‑a‑ywn‑isflid.

³ ašku han ifassn‑nun ndsn s‑idammn, d‑iḍuḍan‑nun s‑lh̬ʷšant. imawn‑nun ar‑ssufuġn ibaḍan, d‑alsiwn‑nun ar‑ssfurrugn s‑lbaḍl.

⁴ ur‑illi yan yakkan tuggʷa n‑ṣṣaḥt, wala illa yan iṣraḍn s‑ma‑yʷġẓann. ar‑bnnun f‑ttumla ih̬wan, ar‑tɛawadn s‑tkrkas. hatni ar‑rbbun s‑lḥilt, ar‑tarun h̬ziyt.

⁵ ar‑skarn tiglay n‑bu‑skka, d‑wanna‑tnt‑iṣrṭn, hati išša lmut. d‑tanna gisnt ityaḍarn, ra‑d‑zġ‑gis‑iffuġ‑ulgʷmaḍ. ar‑ẓṭṭan ššbkt n‑rrtila,

⁶ walaynni aṣṭṭa‑nsn ur‑iṣlaḥ i‑malssa. ṣṣnaɛt‑nsn ur‑a‑tdal lɛar‑nsn. tawuri‑nsn ur‑tgi abla tillay ʷh̬šnnin. ar‑n‑mddin ifassn‑nsn ad‑ssyagasn mddn.

⁷ ẓẓun iḍarn‑nsn ġ‑aynna yʷh̬šnn, ar‑tazzaln ad‑ffin idammn n‑uwl iṣfan. ur‑a‑swingimn abla ġ‑ma‑iɛibn. ar‑fttun ġ‑iġarasn n‑ḍḍrurt ula lhalak.

⁸ imma aġaras n‑sslamt ur‑t‑akkʷ‑ssinn, d‑tġarasin n‑lḥqq ur‑jji‑tnt‑kkin. skrn i‑ih̬f‑nsn iġarasn lulliynin. wanna gisn ifttun, ur‑sar‑yufi sslamt.