išaɛyah 57 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

aġaras n‑sslamt

¹⁴ ra‑ityawnna: «ssmunwat, ssmunwat akal, tjjujadm aġaras, tssittim kullu ma‑igan ifikš ġ‑umnid n‑mddn‑inu.»

¹⁵ ašku ha ma‑inna rbbi da‑ityalaln ig amattuy, yili ġ‑mani izgan idum, ityawẓlay ism‑ns zġ‑kullu ma‑yʷh̬šnn: «ha‑yyi lliġ nkki ġ‑mani ityawẓlayn ġ‑tattuyt, iliġ ula d‑wanna mi ityagas‑uwl issḥssa is‑ur‑igi yat, baš ad‑ssdusġ walli mi‑ityagas‑uwl, zzɛamġ rruḥ n‑walli issḥssan is‑ur‑igi yat.

¹⁶ ašku ur‑rad‑qamaġ ar‑bdda‑tẓiġ, ula da‑tġḍabġ kullu mayd iftan, a‑ur‑ttġaša rruḥ‑nun ġ‑umnid‑inu, ula ttġaša tunfust n‑tudrt lli‑giwn‑giġ.

¹⁷ «han ḍḍulm lli‑s‑a‑ssrbaḥn ih̬f‑nsn a‑yyi‑stt‑issṭiyrn bahra. ġḍbġ fllasn, utġ‑tn, ssntlġ fllasn udm‑inu. hatni sul tabɛan tijli n‑uwlawn‑nsn,

¹⁸ ẓriġ‑tn mnšk ad‑hršn. walaynni ra‑tn‑jjujiġ, awiġ‑tn‑d s‑uġaras‑inu, rarġ‑asn‑d rraḥt, gġ‑tn ġ‑lhna, gġ ula lḥmd ġ‑imi n‑willi yallan.

¹⁹ «sslamt, sslamt a‑ra‑yili i‑willi‑n‑aggugnin ula willi‑d‑akmurnin. inna‑t rbbi da‑bdda‑illan. ra‑tn‑kullu‑jjujiġ.

²⁰ imma willi ʷh̬šnnin, gan ntni zund amda bdda itmussun, ur‑iẓḍar a‑ihnnu. taḍangiwin‑ns a‑d‑itluḥn tarkkut ula tallaġt.

²¹ han ur‑tlli sslamt i‑willi ʷh̬šnnin.» rbbi‑nu a‑t‑innan.