išaɛyah 54 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

¹ «asi amarg n‑lfrḥ, a‑talli ur‑jji‑yurun. all awal‑nm ar‑ttirirt, a‑talli ur‑jji‑ikki‑ungaẓ. ašku tamġart ityawfaln, rad‑atin tarwa‑ns win talli itahln.» sidi rbbi a‑t‑innan.

² «ssusuɛ tisgiw n‑uh̬iyyam‑nm, tfsrt asddul n‑tzdġt‑nm, tzziġzift izakarn, tzzgat tigusin.

³ ašku ra‑ttzayadt s‑ufasi ula aẓlmaḍ, ṭṭafnt tasutin‑nm timizar n‑ddunit, ɛmmrn tarwa‑nm timdinin h̬ʷlanin.

⁴ «ad‑ur‑tiksaḍt, ašku ur‑ra‑km‑issḥššm yan. ad‑ur‑tuggʷdt, ašku ur‑sul‑ra‑tdullut. ra‑tettut isggʷasn n‑lɛar lli‑fllam‑izrin ġ‑mẓẓiy‑nm, wala tktit‑d ussan lli‑ġ‑a‑ttinin mddn is‑tgit tahjjalt.

⁵ ašku ġwalli‑km‑ih̬lqn, nttan a‑igan argaz‑nm, ism‑ns iga ‹sidi rbbi n‑lmlayka›. ġwalli‑km‑d‑ifran iga amẓlay n‑israyil, d‑nttan a‑iḥkamn ddunit kullutt.»