išaɛyah 48 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

ra‑di‑twrrim zġ‑wakal n‑babil

¹² [yini sidi rbbi:] «sfldat‑iyi ay‑ayt‑yaɛqub d‑ayt‑israyil lli‑mi‑ġriġ. nkkin a‑t‑igan. nkkin a‑igan amzwaru gġ amggʷaru.

¹³ afus‑inu a‑izzugzn llsas n‑wakal, afasi‑inu a‑ifsrn ignwan. ġakud nna‑yasn‑ġriġ, biddn‑d kullu itran ġ‑umnid‑inu.

¹⁴ munat‑d kullukʷn tsfldm. is‑illa ġ‑gratun ma‑sttin‑ikkan iɛlm f‑mayd ijrrun? rbbi siditun a‑iskrn ġwalli ra‑issafu kullu mad‑qṣadġ ġ‑ayt‑babil, yili‑n‑ufus‑ns f‑ayt‑kaldan.

¹⁵ nkkin a‑isawln ġrġ‑as, awiġ‑t‑id. s‑ṣṣaḥt ra‑ikmml ma‑srs‑qṣadġ.

¹⁶ akmurat‑d sri, tsfldm i‑wawal‑ad. zġ‑isizwur ur‑jji‑sawlġ ġ‑tntla, d‑ġakud nna‑sawalġ, ha‑yyi zzgaġ awal.» yuzn‑iyi‑d rbbi siditnġ ġilad s‑rruḥ‑ns.

¹⁷ ha ma‑inna sidi rbbi lli‑kʷn‑d‑ifran, ig rbbi amẓlay n‑ayt‑israyil: «nkkin a‑igan ġwalli bdda illan, gġ rbbi‑nun. ar‑awn‑sslmadġ ma‑ywn‑iṣlaḥn, ar‑awn‑malaġ aġaras ma‑ġ‑a‑tfttum.

¹⁸ mra is‑tti‑tiwim ġ‑luṣiyat‑inu, lukun ingi darun lhna zund asif, ar‑fllawn‑zrayn‑uwssan isaɛdiyn zund taḍangiwin n‑umda,

¹⁹ iwrri ig‑wamud‑nun zund amlal, igatn tarwa‑nun zund tiẓratin‑ns. ur‑sard ism‑nsn a‑ra‑ibbi, wala ittmḥa dari.»

²⁰ ffuġat‑d zġ‑babil, tḥarrum zġ‑ayt‑kaldan, tallm awal‑nun ar‑ttbrraḥm s‑lfrḥ, tsslkmm awal s‑kullu ddunit ar‑ttinim: «ha sidi rbbi ifukka‑d ah̬ddam‑ns yaɛqub.»

²¹ lliġ‑asn‑izwur ġ‑lh̬la, ur‑tn‑yudj ad‑rufun. issufġ‑asn‑d aman zġ‑uẓru, issbbaqi ajarif ftun‑d zġ‑gis‑waman.

²² walaynni inna sidi rbbi: «han ur‑tlli sslamt i‑willi ʷh̬šnnin.»