išaɛyah 46 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

ra‑n‑srsġ anjjam ġ‑ṣiyun

⁸ [yini sidi rbbi:] «swangmat‑d mayad, kunni lli‑ijlan, tzzgam lɛaql tktim‑t‑id,

⁹ tswangmm‑d maylli ijran ġ‑zman. ašku nkkin a‑igan rbbi, ur‑illi wayyaḍ. nkkin a‑igan rbbi, ur‑illi zund nkki.

¹⁰ ar‑malaġ zġ‑isizwur ma‑ra‑yili ġ‑isiggʷra. zikk zman ad‑sawalġ f‑ma‑ra‑ijru tigira, ar‑ttiniġ: ‹maylli qṣadġ nkki, nttan a‑ra‑yili. maylli nuwwaġ, nttan a‑ra‑ijru.›

¹¹ ha‑yyi ġriġ‑d i‑igidr zġ‑usġlay n‑tafukt, ġrġ‑d i‑urgaz zġ‑tmazirt yaggugn a‑iskr ma‑gis‑qṣadġ. hati nniġ‑t, ra‑t‑skrġ. nuwwaġ‑t ra‑t‑kmmlġ.

¹² «sfldat‑iyi a‑ih̬fawn qqurnin lli‑n‑yaggugn f‑lḥqq.

¹³ hati ssakmurġ‑d ass n‑lḥqq‑inu, ur‑n‑bahra‑yaggug. ur‑ra‑n‑imaṭl‑ujnjm‑inu. ra‑n‑srsġ anjjam ġ‑ṣiyun, ssbayynġ lmajd‑inu ġ‑israyil.»