išaɛyah 2 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

awal f‑ayt‑tmizar n‑ddunit

¹ awal lli‑d‑ibann i‑išaɛyah yus n‑amuṣ. iẓra gis tamazirt n‑yahuda d‑tmdint n‑urušalim.

² ġ‑uwssan ggʷranin ra‑ibidd‑uwrir n‑tgmmi n‑sidi rbbi f‑uflla n‑kullu idrarn, ityattay f‑kraygatt awrir, ar‑d‑kullu‑srs‑fttun ayt‑tmizar n‑ddunit.

³ aškin‑d iqbiln ggutnin ar‑ttinin: «nkrat a‑nawn s‑uwrir n‑rbbi da‑illan. ra‑nawn s‑tgmmi n‑rbbi n‑yaɛqub, baš ad‑aġ‑isslmad aġaras‑ns ar‑nskar s‑ma‑t‑irḍan.» ašku ra‑d‑iffuġ‑ulmmud zġ‑ṣiyun, iffuġ‑d‑wawal n‑sidi rbbi zġ‑urušalim.

⁴ ra‑yut lḥukm f‑tmizar n‑ddunit, issnfaṣal iqbiln ggutnin. rad‑kkʷmn ssyuf‑nsn, skrn zġ‑gisn imkrazn, kkʷmn iḥrišn‑nsn skrn zġ‑gisn ilkkuwsa. ur‑sul‑ra‑yall‑uqbil uzzal f‑wayya, ula rad‑sul‑tlmadn mamnk a‑tmmaġn.

⁵ way‑ayt‑yaɛqub, aškat‑d a‑nfttu ġ‑tifawt n‑sidi rbbi.