išaɛyah 12 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

iwrri iga anjjam‑inu

¹ ra‑ttinit ġ‑uwssan‑an: «wa sidi rbbi, ulġġ‑k bahra. wah̬h̬a flla tġḍbt, tssunft flla lġaḍab‑an, tsshnnut ul‑inu.

² rbbi a‑igan anjjam‑inu. rad‑fllas‑ttklġ d‑ur‑sar‑rad‑iksaḍġ yat. sidi rbbi da‑illan, nttan a‑yyi‑issdusn, d‑nttan a‑f‑a‑ttirirġ, iwrri iga anjjam‑inu.»

³ s‑lfrḥ a‑s‑ra‑di‑ttagʷmm aman mimnin zġ‑wanu n‑ujnjm.

⁴ ra‑ttinim ġ‑uwssan‑an: «alġat sidi rbbi,» ar‑taqram i‑ism‑ns, ar‑ttbrraḥm i‑ayt‑tmizar n‑ddunit f‑mayd iskr, ar‑asn‑tmalam mnšk a‑s‑imqqur ism‑ns,

⁵ ar‑ttirirm i‑sidi rbbi, ašku iskr lɛjayb, ar‑tsslkamm lh̬bar ifulkin i‑kullu ddunit.

⁶ allayt awal‑nun a‑imzdġn n‑ṣiyun, tasim tallġat n‑lfrḥ, ašku imqqur rbbi amẓlay n‑israyil ġ‑wammas‑nun.