išaɛyah 11 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

ayyaw zġ‑ugȷ̈̇ȷ̈̇a n‑yassa

¹ yan‑wayyaw ra‑d‑iffuġ zġ‑ugȷ̈̇ȷ̈̇a n‑yassa [babas n‑dawd], yan‑uṣṭṭa zġ‑iẓuran‑ns a‑ra‑yakka lġllt.

² rruḥ n‑sidi rbbi a‑ra‑d‑fllas‑ittrs, ig rruḥ n‑tḥkimt ula tafhimt, ig rruḥ n‑tnbaṭṭ ula taẓḍḍart, ig rruḥ n‑twassna ula tiksaḍ n‑sidi rbbi.

³ hati s‑lfrḥ a‑s‑ra‑ituqqar rbbi da‑illan. ur‑ra‑itnbaḍ s‑mad‑ẓrant‑walln‑ns, ula da‑itḥkam s‑maylli‑mi‑sfldn imzgan‑ns.

⁴ walaynni ra‑itḥkam i‑imẓlaḍ s‑lḥqq, ar‑yakka i‑igllinn n‑ddunit mad‑asn‑igan. s‑uɛmud n‑imi‑ns a‑s‑ra‑ikkat ddunit, s‑uṣwaḍ n‑infurn‑ns a‑s‑ra‑ihlk ayt‑lh̬ʷšant.

⁵ ra‑ibkis idmarn‑ns s‑ufulki ikmmln, ibkis iḍarn‑ns s‑tayri idumn.

laman ikmmln ġ‑ddunit

⁶ ha uššn ra‑itgawar d‑ulqqaġ, ign wagrzam ġ‑tama n‑ikru. ha igiz ra‑iffrd d‑warraw n‑izm, iks‑tn‑uḥšmi imẓẓin.

⁷ ha tamugayt ra‑ttksa d‑ddubba, ṭṭasn tarwa‑nsnt ġ‑lhna. d‑ha izm ra‑ištta alim zund amugay.

⁸ hay‑azzan issumumn ra‑itlɛab ġ‑dar tansa n‑bu‑skka, ig‑n‑uḥšmi afus‑ns f‑uh̬bu n‑ulgʷmaḍ.

⁹ ur‑ra‑yili ma‑issyagasn ula ma‑ithlakn ġ‑kullu awrir‑inu amẓlay, ašku ra‑tɛmmr ddunit s‑twassna n‑sidi rbbi ġmklli dln‑waman imdwan.

¹⁰ ġassan ra‑ibidd‑uẓur n‑yassa, ig tamatart i‑iqbiln n‑ddunit. ra‑t‑kullu‑siggiln ayt‑tmizar, iɛmmr‑untal‑ns s‑lmajd.