irmiyah 6 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

biddat ġ‑gr iġarasn ar‑ttmnadm

¹⁶ ha ma‑inna rbbi da‑illan: «biddat ġ‑gr iġarasn ar‑ttmnadm, tsqsam maniġ a‑zrayn ayt‑zman. ġin a‑ġ‑illa‑uġaras iṣlaḥn. ftwat gis, tafm asunfu i‑uwlawn‑nun. imma ntni ar‑ttinin: ‹ur‑nri a‑gis‑nfttu.›

¹⁷ gġ ilmma fllawn aḍafn iniġ: awyat‑stt ġ‑ijjij n‑nnffar. imma kunni trurm‑d: ‹ur‑nri a‑stt‑gis‑nawi.›

¹⁸ ġayan a‑f‑rad‑iniġ: sfldat a‑iqbiln n‑ddunit, tmnadt a‑tamunt n‑mddn‑inu, tissanm ma‑rad‑asn‑ijru.

¹⁹ tsfldt ula kiyi ay‑akal i‑lhalak lli‑rad‑zzugzġ f‑mddn‑ad, ig mad‑asn‑igan f‑iskkirn‑nsn. ašku awal‑inu, ur‑rin a‑ys‑sflidn, ula almmud‑inu, agʷin a‑srs‑skarn.»