irmiyah 46 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

ra‑kʷn‑d‑jjnjmġ zġ‑tuggugt

²⁵ ha ma‑inna rbbi n‑lmlayka da‑bdda‑illan, ig rbbi n‑ayt‑israyil: «han rad‑utġ lɛqubit f‑rbbi n‑tmdint n‑tibis lli‑mi‑ttinin ‹amun›, ula f‑firɛawn d‑ayt‑miṣr d‑id‑rbbi‑nsn d‑iriyasn‑nsn. han ra‑stt‑utġ f‑firɛawn d‑willi fllas ittkln.

²⁶ ra‑tn‑fkġ ġ‑ufus n‑nabuh̬adnaṣr agllid n‑babil d‑iriyasn‑ns lli‑iskrn f‑a‑tn‑nġn. tigira n‑mayan rad‑daġ‑zdġn mddn ġ‑miṣr zund ussan lli‑zrinin. inna‑t rbbi da‑bdda‑illan.

²⁷ «walaynni ad‑ur‑tiksaḍt a‑yaɛqub ah̬ddam‑inu, ula tġuwḍt a‑israyil. ašku ha‑yyi ra‑k‑id‑jjnjmġ zġ‑tuggugt, rarġ‑d amud‑nk zġ‑wakal n‑iskraf. s‑ṣṣaḥt ra‑d‑iwrri yaɛqub ihnna isunfu, d‑ur‑sar‑ra‑t‑issiwid yan.

²⁸ ad‑ur‑tiksaḍt a‑yaɛqub ah̬ddam‑inu. inna‑t rbbi da‑bdda‑illan, ašku lliġ bdda dik. rad‑fnuġ iqbiln lli‑mi‑kʷn‑in‑dḥiġ. han kiyi ur‑ra‑k‑fnuġ, walaynni ra‑k‑ssnmġ s‑ma‑d‑dik‑yuškan, d‑ur‑ra‑k‑flġ bla lɛqubit.»