irmiyah 23 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

aṣṭṭa iṣlaḥn zġ‑ugȷ̈̇ȷ̈̇a n‑dawd

⁵ inna sidi rbbi: «rad‑d‑aškin‑uwssan ġ‑rad‑d‑ssufġġ aṣṭṭa iṣlaḥn zġ‑ugȷ̈̇ȷ̈̇a n‑dawd. ra‑ig nttan agllid iḥkamn s‑lmɛqul, ar‑izzga lḥqq d‑ufulki lli‑s‑rḍiġ ġ‑wakal‑ad.

⁶ ġ‑uwssan‑ns a‑ġ‑rad‑njmn ayt‑yahuda, zdġn ayt‑israyil ġ‑laman. rad‑as‑aqran s‑ism‑ad: ‹sidi rbbi n‑lḥqq‑nġ›.»

⁷ yini sidi rbbi: «mayan a‑f‑awn‑nniġ, rad‑d‑aškin‑uwssan ġ‑ur‑sul‑ra‑ttinin ‹f‑tudrt n‑sidi rbbi lli‑d‑issiwnn ayt‑israyil zġ‑miṣr›,

⁸ walaynni ra‑ttinin ‹f‑tudrt n‑sidi rbbi lli‑d‑issiwnn ayt‑israyil zġ‑wakal n‑ššamal [babil], yawi‑tn‑d zġ‑kullu timizar lli‑s‑tn‑issmsr›. rad‑zdġn ġakudan ġ‑wakal lli‑igan winsn.»

lanbiya n‑tkrkas

²³ inna sidi rbbi: «is‑giġ kra n‑rbbi yujadn ġir ġ‑tmazirt‑ad waḥdutt, nġd wad illan ġ‑kraygatt mani?

²⁴ is‑illa ma‑iẓḍarn a‑iḥḍu ih̬f‑ns ġ‑kra n‑untal a‑ur‑t‑ẓrġ? is‑urd nkkin a‑iɛmmrn ignwan d‑wakal? inna‑t rbbi da‑bdda‑illan.

²⁵ «sfldġ i‑iwaliwn n‑lanbiya n‑tkrkas ar‑tkašafn s‑ism‑inu ar‑ttinin: ‹ha‑yyi wargaġ, ha‑yyi wargaġ.›

²⁶ mnšk a‑rad‑sul‑tili wan takndawt‑ad ġ‑uwlawn n‑lanbiya‑yan flla isawaln s‑tkrkas?

²⁷ ġaln izd s‑twargiwin lli‑tɛawadn i‑ngratsn a‑s‑rad‑rarn mddn‑inu ad‑ttun ism‑inu, ġmklli ttun imzwura‑nsn ism‑inu ar‑tqasan ‹baɛl›.

²⁸ nnabi nna‑iwargan, isawl‑iyt f‑twargit‑ns, imma wanna dar awal‑inu, illa fllas a‑isawal s‑lḥqq n‑wawal‑inu. ašku han alim d‑imndi, izd ntni yan ad‑gan? inna‑t walli bdda illan.

²⁹ is‑ur‑igi‑wawal‑inu zund lɛafiyt ijddrn, ula zund lmaṣṣa irẓẓan aẓru tfts‑t? inna‑t rbbi da‑bdda‑illan.»

³⁰ yini sidi rbbi: «ha‑yyi f‑ġayan a‑f‑giġ ḍiḍḍ i‑lanbiya‑yan itakʷrn iwaliwn i‑ngratsn, ar‑ttinin izd iwaliwn‑inu ad‑gan.

³¹ s‑ṣṣaḥt giġ ḍiḍḍ i‑lanbiya‑yan ittalln ils‑nsn ar‑ttinin: ‹ha ma‑inna sidi rbbi.›

³² s‑ṣṣaḥt giġ ḍiḍḍ i‑willi itkašafn s‑twargiwin n‑tkrkas, ar‑tnti‑tɛawadn ar‑srsnt‑jllun mddn‑inu s‑tkrkas ula zzɛmt issnufuln. urd nkki a‑tn‑yuznn ula uṣṣaġ‑tn. hati ur‑a‑tnfaɛn mddn‑ad s‑yat. inna‑t walli bdda illan.»