irmiyah 17 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

ul n‑bnadm d‑iswingimn‑ns

⁵ ha ma‑inna rbbi da‑illan: «h̬ziyt a‑iga‑urgaz nna‑ittkln f‑bnadm, ar‑itɛnnu s‑mddn, ar‑ijllu‑uwl‑ns zġ‑sidi rbbi.

⁶ iga zund tazggʷart ġ‑lh̬la, ur‑sar‑ra‑gis‑iẓr lh̬ir. taġart irufan a‑ġ‑ra‑izdġ, ġ‑illi imarġn yaggug f‑bnadm.

⁷ ambarki a‑iga‑urgaz nna‑ittkln f‑sidi rbbi, ar‑itɛnnu s‑walli bdda illan.

⁸ iga zund taṣġart iẓẓan ġ‑tama n‑waman, tssufġ‑d iẓuran‑ns ġ‑usaru iftan. ur‑a‑ttiksaḍ zġ‑izmaz n‑trġi, zgzawn bdda ifrawn‑ns. ur‑ra‑tġufu ġ‑usggʷas n‑lhif, ar‑takka lġllt, ur‑sar‑tssikki.

⁹ «bnadm ar‑t‑itknad‑uwl‑ns uggʷar n‑kra illan, ihrš bahra. ma‑iẓḍarn a‑t‑ifhm?

¹⁰ imma nkki rbbi da‑illan, ar‑siggilġ ġ‑uwl n‑bnadm, ar‑tarmġ iswingimn‑ns, baš ad‑rarġ i‑kraygatt yan f‑ma‑iqṣad ula lġllat lli‑iskar.»