iriyasn 17 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

ṣṣurt n‑nnʷqrt ġ‑dar mih̬ayah

¹ illa yan‑urgaz ism‑ns mih̬ayah izdġ ġ‑iwrar n‑afraym.

² yini i‑innas: «tssnt alf d‑miyya (1100) n‑uqarid n‑nnʷqrt lli‑am‑laḥ, tnɛlt walli‑tn‑yukʷrn, tinit‑iyi fllasn. hatni llan dari. nkki a‑tn‑yusin.» tini‑as innas: «a‑k‑ibark sidi rbbi a‑iwi.»

³ irar i‑innas alf d‑miyya (1100) n‑uqarid‑lli. tini‑as innas: «nnʷqrt‑ad illan ġilad ġ‑ufus‑inu, ẓliġ‑tt kullu i‑sidi rbbi a‑srs‑iskr iwi yat‑ṣṣurt ifsin inqšn. mayan a‑f‑a‑yk‑tt‑rarġ ġilad.»

⁴ tasi‑d innas sin id‑miyya (200) n‑uqarid zġ‑willi‑as‑d‑irur, tfk‑tn i‑uṣiyyaġ, iskr zġ‑gisn yat‑ṣṣurt ifsin inqšn. ssbiddn‑tt ġ‑tgmmi n‑mih̬ayah.

⁵ iskr‑urgaz‑an mih̬ayah yan‑udġar a‑gis‑itɛbad, iskr yan‑ubannka ma‑zġ‑a‑tyawlddayn snat‑tkššuḍin, iskr ula laṣnam mẓẓinin, iẓli yan zġ‑tarwa‑ns ad‑as‑ig amsakmur.

⁶ ġ‑uwssan‑an ur‑illi‑ugllid ġ‑dar ayt‑israyil. kraygatt yan ar‑iskar aynna ifulkin ġ‑iẓri‑ns.