imurign 86 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

sfld i‑wawal‑inu tjawbt‑iyi‑d

taẓallit n‑dawd

¹ wa sidi rbbi, sfld i‑wawal‑inu tjawbt‑iyi‑d, ašku ha‑yyi ḍɛfġ, ḥtajjaġ ma‑yyi‑itɛawann.

² ḥṣar f‑tudrt n‑uh̬ddam‑nk ašku aġaras‑nk ayd‑ġ‑biddġ. jjnjm‑iyi ašku umnġ gik d‑kiyin a‑igan rbbi‑nu.

³ ḥnnu‑d gigi a‑sidi rbbi, ar‑ak‑aqraġ ass kullut.

⁴ ssfrḥ ul n‑uh̬ddam‑nk, ašku kiyi a‑mi‑n‑ullġ rruḥ‑inu.

⁵ wa rbbi‑nu, tgit wad ifulkin ar‑ttṣamaḥt, tigat dark lḥnant izgan i‑wanna‑yk‑yaqran.

⁶ akmur‑d a‑sidi rbbi, tsfldt i‑twaġra‑nu, tssḥssut sri, ḍalbġ‑ak a‑flla‑trḍut.

⁷ ġ‑wass n‑tnukmut a‑yk‑aqraġ, ašku ssnġ is‑a‑yyi‑di‑ttjawabt.

⁸ wa rbbi‑nu, ur‑illi zund kiyi ġ‑gr id‑rbbi n‑ddunit. ur‑illi ma‑iskarn zund iskkirn‑nk.

⁹ rad‑d‑kullu‑aškin ayt‑tmizar lli‑tskrt, knun‑d ġ‑umnid‑nk a‑rbbi, ar‑tmjjadn ism‑nk.

¹⁰ ašku kiyi a‑imqqurn ar‑tskart lɛjayb. kiyi waḥduk a‑igan rbbi.

¹¹ ml‑yyi a‑sidi rbbi ma‑gigi‑tqṣadt, baš ad‑fttuġ ġ‑uġaras‑nk n‑lḥqq. zzga nniyt n‑uwl‑inu ad‑bdda‑ituqqar ism‑nk.

¹² ar‑ki‑ttalġġ a‑sidi rbbi‑nu zġ‑ttmi n‑uwl‑inu, rad‑tmjjadġ ism‑nk kullu mayd iftan.

¹³ ašku ssnġ is‑iyi‑trit s‑tayri‑nk idumn. tjjnjmt rruḥ‑inu zġ‑udġar n‑willi mmutnin.

¹⁴ wa rbbi, nkrn‑d sri ayt‑isfurrugn. gn tarabbut issiwidn, irin a‑yyi‑nġn, d‑ntni ur‑a‑stt‑gik‑tawin.

¹⁵ imma kiyi a‑rbbi‑nu, hati tgit wad itḥnnun ar‑itrḥam, ur‑a‑tzrabt a‑tġḍbt, tigat dark lḥnant izgan ula tayri idumn.

¹⁶ mnad gigi tḥnnut flla, tssdust ah̬ddam‑nk s‑udwas‑nk, tjjnjmt yus n‑th̬ddamt‑nk.

¹⁷ wa sidi rbbi, ml‑iyi‑d tamatart n‑is‑flla‑trḍit, a‑stt‑ẓrn willi‑yyi‑ikurhan, wrrin ḥšmn, issann izd kiyi a‑yyi‑iɛawnn tsshnnut‑iyi.