imurign 63 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

nkrġ zikk

amarg n‑dawd, lliġ illa ġ‑lh̬la n‑yahuda

¹ wa rbbi tgit rbbi‑nu, nkrġ zikk ar‑srk‑siggilġ. ul‑inu inġa‑t irifi‑nk, zund akal iqqurn s‑irifi. tġaša ddat‑inu s‑umarg‑nk, zund illi ur‑jji‑kkin‑waman.

² riġ a‑n‑dik‑iliġ ġ‑udġar‑nk, ssmaqqlġ ġin taḥkimt n‑lmajd‑nk.

³ ujadġ a‑ki‑tmjjadġ a‑rbbi, ha‑tayri‑nk tuf dari tudrt,

⁴ ra‑ki‑ttalġġ kullu ma‑rad‑ddrġ, mdiġ‑ak‑n ifassn ẓẓallġ.

⁵ tɛmmrt ul‑inu s‑tamimt‑nk. asiġ‑ak amarg‑ad s‑lfrḥ.

⁶ ktiġ‑k‑id ġ‑tizgag n‑iyḍ. kiyi a‑ġ‑a‑swingimġ ġ‑tisi.

⁷ kiyi a‑igan lɛawan‑inu, d‑umalu‑nk a‑ġ‑a‑ttirirġ.

⁸ ul‑inu iġwi bdda gik, d‑ufus‑nk a‑yyi‑bdda‑yusin.

⁹ ġwilli‑yyi‑inuwwan s‑lhalak ra‑n‑tyawgarn s‑tdrut n‑wakal,

¹⁰ rad‑ḍrn ġ‑imiġ ššn‑tn‑uwššann.

¹¹ ifrḥ‑ugllid s‑mayd iskr rbbi, alġn‑k ġwilli uqqrnin ism‑nk. fssan ġwilli fllak sskirkisnin.