imurign 62 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

ur‑sar‑asusġ

i‑rrays n‑umarg, f‑rriḥ n‑‹yadutun›, amarg n‑dawd.

¹ rbbi waḥdut ad‑dar‑siggilġ asunfu, dars a‑ġ‑ṭṭafġ laman.

² rbbi waḥdut a‑igan ajarif‑inu ig lbrj ig antal‑inu, ur‑sar‑mmussiġ.

³ ar managu a‑ra‑tirim a‑ttakʷlm f‑bnadm, tirim a‑yyi‑tssḍrm zund aġʷrab ikʷnan, zund tabya ihrmn?

⁴ ar‑kn‑itɛjab a‑taddrm tikrkas, tskrm f‑a‑yyi‑di‑tgrm zġ‑tarigt‑inu. da‑takkam tamimt s‑ils imma ul iɛmmr s‑wasmmum.

⁵ rbbi waḥdut ad‑dar‑siggilġ asunfu, d‑nttan a‑ġ‑n‑giġ rrja.

⁶ rbbi waḥdut a‑igan ajarif‑inu ig lbrj ig antal‑inu, ur‑sar‑asusġ.

⁷ rbbi waḥdut a‑ra‑yyi‑issbidd ġ‑laman, d‑nttan a‑ra‑issattuy ism‑inu, ig ajarif izgan ig azwag‑inu.

⁸ way‑aytma tiqayt ġ‑rbbi ġ‑kraygatt tasaɛt, tinim‑as f‑kullu ma‑issġufun ul‑nun, nttan a‑ġ‑a‑ntzawag.

⁹ hati amẓluḍ zund tunfust a‑izray, imma bu‑wayda tawargit ka‑iga. ntni s‑sin hatin fssusn f‑yat‑tunfust, ar‑srsn‑yaqlay lmizan.

¹⁰ a‑ur‑tbnnum s‑ma‑di‑tkkism s‑ifaddn, ula da‑ttawim rrja s‑ma‑di‑tukʷrm. iġ‑d‑yuška lh̬ir iggutn a‑ur‑fllas‑tskrm.

¹¹ hati yat‑twal isawl sidi rbbi, tis snat‑twal sfldġ‑as inna, nttan ad‑bdda‑iḥkamn ġ‑kullu ma‑illan.

¹² d‑nttan ad‑aġ‑iran s‑lḥnant‑ns izgan, d‑nttan a‑ith̬llaṣn i‑kraygatt yan f‑ma‑iskr.