imurign 42 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

a‑ul‑inu

i‑rrays n‑umarg, almmud n‑ayt‑quraḥ

¹ ġmklli ittiri‑uznkʷḍ lɛin lli‑zġ‑ftan‑waman, ġmkan a‑k‑ttiriġ a‑rbbi.

² ha‑yyi yaġ‑iyi irifi‑nk a‑rbbi iddrn. managu ra‑n‑akmurġ ad‑dik‑mnaggarġ?

³ ġ‑iyḍ ula azal imṭṭawn a‑igan tirmt‑inu. ar‑iyi‑ttinin bdda «manza rbbi‑nk?»

⁴ ar‑ttbbi tasa‑nu ġakud nna‑d‑swingimġ ussan‑an ġ‑a‑tmunuġ d‑aytma ggutnin. ar‑asn‑zgguruġ s‑tgmmi tamẓlayt, ar‑ntall awal‑nġ ar‑nttalġ rbbi, ar‑as‑nttirir s‑tallġatin n‑lfrḥ.

⁵ wa ul‑inu, mah̬ a‑ki‑taġ‑tguḍi? mah̬ aylliġ tġufit ġ‑ugʷns‑inu? rju‑n ġilad ġ‑rbbi, ašku rad‑as‑daġ‑tḥmadġ. nttan a‑igan anjjam‑inu ig rbbi‑nu.

⁶ wa rbbi kiyi a‑ġ‑a‑swingimġ, ašku taguḍi a‑ibbin ġ‑uwl‑inu.

⁷ tawi‑yyi zund anggay n‑wasif n‑urdun, zund aman ḍrnin zġ‑ḥarmun ġ‑udrar n‑miṣɛar.

⁸ ġ‑uzal a‑flla‑ttili tayri n‑sidi rbbi, d‑iyḍ s‑imurign a‑s‑a‑yas‑ttirirġ. ar‑tẓallaġ i‑walli‑yyi‑d‑yakkan tudrt.

⁹ sqsaġ rbbi lli‑yyi‑igan ajarif n‑laman, «mah̬ aylliġ‑iyi‑tflt? mah̬ a‑tudjit ayt‑lɛar a‑yyi‑tnġadn?»

¹⁰ ar‑iyi‑brrin ntni s‑ṭṭnẓ‑nsn. ar‑iyi‑ttinin bdda «manza rbbi‑nk?»

¹¹ wa ul‑inu, mah̬ a‑ki‑ttaġ‑tguḍi? mah̬ aylliġ tġufit ġ‑ugʷns‑inu? rju‑n ġilad ġ‑rbbi, ašku rad‑as‑daġ‑tḥmadġ. nttan a‑igan anjjam‑inu ig rbbi‑nu.