imurign 4 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

asunfu n‑laman

i‑rrays n‑umarg, s‑imassn n‑luṭar, amarg n‑dawd

¹ sfld i‑twaġra‑nu, a‑rbbi n‑lḥqq‑inu. tsshnnut‑iyi ġ‑tasaɛt n‑tnukmut, tḥnnut flla tsfldt i‑mayd‑ak‑ḍalbġ.

² wa tarwa n‑bnadm, mnšk a‑rad‑sul‑tgm lɛzz‑inu d‑lɛar? mnšk a‑rad‑sul‑tirim tikrkas, tfrḥm s‑ibaḍan?

³ issanat is‑iẓli sidi rbbi bu‑lḥnant a‑ig wins, ar‑iyi‑isflid sidi rbbi akud nna‑yas‑aqraġ.

⁴ iġ‑tqlaqlm, ad‑ur‑tskrm f‑kra yʷh̬šnn. gnat f‑tisi tswangmm d‑ih̬fawn‑nun tfssam.

⁵ tgm‑n kullu rrja‑nun ġ‑sidi rbbi, tawim‑as‑d isakmurn lli‑as‑igan.

⁶ iggut ma‑ittinin: «amar yufan lh̬ir. isfiw‑d fllanġ a‑sidi rbbi s‑tifawt n‑uwdm‑nk.»

⁷ ha nkki tssfrḥt ul‑inu uggʷar n‑willi dar iggut imndi d‑waman n‑waḍil iktin.

⁸ sslamt a‑ġ‑rad‑gnġ, yawi‑yyi‑yiṭs, ašku kiyin a‑sidi rbbi ad‑iyi‑igan ġ‑usunfu n‑laman.