imurign 32 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

tasaɛt n‑taġuft

tallġat n‑dawd

¹ ambarki a‑iga wanna mi iṣamḥ sidi rbbi f‑tjli‑ns, issitti fllas ġaylli‑t‑issḥššamn.

² ambarki a‑iga wanna mi ur‑iḥasb sidi rbbi ddnub‑ns, ula sul tqama‑tkndawt ġ‑uwl‑ns.

³ lliġ ur‑ta‑yak‑qrraġ, tmda‑gigi‑kullu‑tdwast, ha‑yyi ar‑nddrġ ass kullut.

⁴ ġ‑iyḍ ula azal iẓẓay‑flla‑ufus‑nk. zund aṣġar ġ‑ṣṣif iḥrran ad‑sllawn ih̬ṣan‑inu.

⁵ qrraġ‑ak ġakudan mamnk ad‑ffuġġ zġ‑wawal‑nk, ur‑qamaġ ḥḍiġ ġaylli‑yyi‑issrkan. iniġ‑ak «tʷgraẓ‑iyi a‑sidi rbbi f‑ġaylli skrġ yʷh̬šn.» tssittit flla ġakudan taẓẓayt n‑ddnub‑inu.

⁶ nkrayt ay‑ayt‑rbbi tġrm‑as ġ‑tizi n‑taġuft, ur‑ra‑kʷn‑yadj a‑kʷn‑yawi‑unggay.

⁷ kiyi a‑igan antal‑inu tḥḍut‑iyi ġ‑tasaɛt n‑tnukmut, tsslulliyt‑iyi tallġatin n‑sslamt.

⁸ rad‑ak‑mlġ aġaras lli‑k‑id‑iqqann, iniġ‑ak ula mamnk a‑gis‑tfttut.

⁹ a‑ur‑tgm imddila zund agmar d‑usrdun, ar‑skarn s‑ifaddn ma‑ira siditsn, s‑ulgamu d‑twuriyt a‑s‑a‑gisn‑itḥkam.

¹⁰ tayri n‑sidi rbbi a‑ilulliyn i‑wanna gis yumnn, imma willi itsalan ma‑yʷh̬šnn, ar‑asn‑ttigat‑tguḍi.

¹¹ frḥat s‑sidi rbbi tfrḥm s‑uggʷar, kunni da‑iftan ġ‑uġaras n‑ufulki. tallm awal‑nun tirirm i‑rbbi, kunni da‑iṭṭafn ul iṣfan.