imurign 30 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

izri‑iyḍ ifaw‑wass

amarg n‑dawd, tallġat ġ‑tizi n‑unurẓm n‑tgmmi tamẓlayt

¹ ra‑ki‑tmjjadġ a‑sidi rbbi, ašku tullt‑iyi‑d. ur‑tudjt inuwwašn‑inu ad‑flla‑ssfurrugn.

² ġriġ‑n srk a‑sidi rbbi‑nu, tjjujit‑iyi.

³ tasit‑iyi‑d zġ‑udġar n‑willi mmutnin, trart‑iyi‑d tudrt‑inu a‑ur‑gguzġ s‑tdrut.

⁴ ttirirayt i‑sidi rbbi ay‑ayt‑uġaras‑ns, talġm ism‑ns yattuyn iṣfan.

⁵ hati lġaḍab‑ns ġir yan kra a‑itqama, imma rrḍa‑ns idum kullu ma‑tlla tudrt, wah̬h̬a da‑tmaṭaln imṭṭawn n‑iyḍ, ar‑d‑itfaw lfrḥ zikk ṣbaḥ.

⁶ lliġ dari thnna luqt ar‑ttiniġ: «ur‑sar‑ndudiġ»,

⁷ tssdust‑iyi s‑rrḍa‑nk a‑sidi rbbi zund adrar. ġir tdlt‑n flla udm‑nk, tasi‑yyi tawda.

⁸ kiyi a‑mi‑n‑ġriġ a‑rbbi da‑illan. wa rbbi‑nu, ġila ḥnnu flla.

⁹ iġ‑gguzġ s‑ugʷḍi n‑lmut, ma‑s‑ra‑k‑nfɛan idammn‑inu? izd agdrur n‑wakal a‑ra‑k‑ittalġ, ar‑isawal f‑tayri‑nk izgan?

¹⁰ sfld a‑sidi rbbi, tḥnnut flla, tgt aɛwin‑inu, a‑rbbi da‑bdda‑illan.

¹¹ hati tusit‑n flla tandra, trart‑iyi a‑takʷiġ. tkkst‑iyi lh̬iš, tsslst‑iyi lfrḥ.

¹² udm issmrġan a‑s‑a‑yk‑ttirirġ d‑ur‑sar‑fssaġ. kiyin a‑sidi rbbi‑nu a‑rad‑tškarġ kullu mayd iftan.