imurign 24 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

agllid imqqurn

amarg n‑dawd

¹ akal win sidi rbbi a‑iga ula kullu ma‑gis‑illan. ddunit tin sidi rbbi a‑tga ula kullu ma‑gis‑izdġn.

² isrs llsas‑ns ġ‑gr imdwan, ibnu‑tt f‑iggi n‑waman.

³ ma‑ra‑iġli s‑uwrir n‑sidi rbbi? ma‑ra‑ibidd ġ‑udġar‑ns amẓlay?

⁴ wanna dar ifassn ġusnin d‑uwl iṣfan. ur‑a‑išškšam ih̬f‑ns i‑lbaḍl, ula da‑yakka tuggʷa n‑tkrkas.

⁵ nttan a‑ġ‑ra‑ibark sidi rbbi. ra‑t‑ijjnjm irḍu fllas.

⁶ ġmkan ad‑gan ġwilli srs isiggiln, akmurn‑in s‑rbbi n‑imzwura‑nsn.

⁷ ittyayt a‑iflwan, rẓmayt a‑imawn n‑zman, a‑ikšm‑ugllid imqqurn.

⁸ ma‑igan agllid imqqurn? iga‑t sidi rbbi lli‑idusn itjhhd, inru kullu ma‑dids‑immaġn.

⁹ ittyayt a‑iflwan, rẓmayt a‑imawn n‑zman, a‑ikšm‑ugllid imqqurn.

¹⁰ ma‑igan agllid imqqurn? iga‑t sidi rbbi da‑iẓḍarn i‑kulši, nttan a‑igan agllid imqqurn.