imurign 23 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

sidi rbbi a‑yyi‑iksan

amarg n‑dawd

¹ sidi rbbi a‑yyi‑iksan, ur‑ra‑yyi‑ih̬ṣṣa yat.

² yawi‑yyi‑d ad‑sunfuġ ġ‑igran zgzawnin. izwur‑iyi‑d s‑tama n‑talɛinin n‑lhna.

³ issdus ul‑inu, iguwwd‑iyi ġ‑iġarasn n‑lḥqq, ġmklli iga ism‑ns iɛzzan.

⁴ wah̬h̬a zriġ ġ‑talat n‑umalu n‑lmut, ur‑ksuḍġ gar ašku kiyi a‑didi‑illan. aɛmud d‑uɛkkaz a‑s‑a‑yyi‑tzzɛamt.

⁵ tjjujadt‑iyi tirmt ġ‑wammas n‑inuwwašn‑inu, tẓẓġurt ih̬f‑inu s‑zzit, tɛmmrt lkas‑inu ar imi.

⁶ afulki d‑tayri izgan a‑rad‑bdda‑didi‑yili, kullu ussan n‑tudrt‑inu. ġ‑untal n‑sidi rbbi a‑ġ‑rad‑qamaġ, kullu ma‑rad‑ddrġ.