imurign 22 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

wa rbbi‑nu mah̬ a‑yyi‑tflt?

i‑rrays n‑umarg, f‑rriḥ n‑‹tznkʷṭṭ ġ‑twaġla n‑tafukt›, amarg n‑dawd

¹ wa rbbi‑nu, wa rbbi‑nu, mah̬ a‑yyi‑tflt? mah̬ a‑n‑flla‑taggugt, ur‑iyi‑tjjnjmt, wala tlhit s‑iwaliwn n‑tndra‑nu?

² wa rbbi‑nu, ar‑ak‑aqraġ ġ‑uzal, ur‑iyi‑di‑tjawbt. ar‑ak‑aqraġ ula iḍ, sul ur‑thnnaġ.

³ kiyi tgit wad ifulkin iṣfan, tɛmmrt tulġa n‑ayt‑israyil.

⁴ kiyi a‑ġ‑umnn id‑babatnġ, tfukkut‑tn‑d ġmklli gik umnn.

⁵ kiyi a‑s‑a‑aqran njmn. d‑kiyi a‑ġ‑umnn, ur‑jji‑nḥaššamn.

⁶ ha nkki, tawkka ad‑giġ, urd bnadm. ḥgrn‑iyi mddn, ur‑darsn‑giġ yat.

⁷ kullu wanna‑yyi‑iẓran, ar‑gigi‑iḍṣṣa. rẓmn gigi imi, ar‑ssmussun aqllal inin:

⁸ «hati istamn ġ‑sidi rbbi. inyat‑as a‑t‑ifukku. tinim‑as a‑t‑ijjnjm, iġ‑fllas‑irḍa.»

⁹ kiyi a‑yyi‑d‑yusin zġ‑waḥlig, tsshnnut‑iyi f‑tibbišin n‑inna.

¹⁰ kiyi a‑f‑a‑ttkalġ zġ‑lliġ lulġ. rbbi‑nu a‑tgit zġ‑waḥlig n‑inna.

¹¹ a‑ur‑n‑flla‑taggugt ġilad ġ‑flla‑tlla‑tguḍi, d‑nkki ur‑dari ma‑yyi‑itɛawann.

¹² hati sutln‑iyi ifunasn ggutnin, zund izgarn qjrnin n‑bašan.

¹³ ar‑flla‑ssunggun zund izmawn šqanin, rẓmn‑d imawn‑nsn ad‑iyi‑lbin.

¹⁴ hati tffi ṣṣaḥt‑inu zund aman, nurẓmn kullu ih̬ṣan‑inu, ilggʷaġ‑uwl‑inu zund tikira. ifsi‑n ġ‑ugʷns n‑idmarn‑inu.

¹⁵ hati iqqur‑ufud‑inu zund azgwi, anġa a‑ġ‑n‑islġ ils‑inu, d‑ugdrur n‑lmut a‑ġ‑iyi‑tẓẓlt.

¹⁶ hati lulliyn‑iyi‑iyḍan, igli‑yyi‑ukabar n‑id‑bu‑lɛar. nqbn ifassn d‑iḍarn‑inu.

¹⁷ zzudfn kullu ih̬ṣan‑inu. ar‑gigi‑tmnadn s‑ṭṭnẓ,

¹⁸ bḍun timlsa‑nu i‑ngratsn. grn‑d aṣġar f‑uqššab‑inu.

¹⁹ wa sidi rbbi, a‑ur‑n‑flla‑taggugt. way‑adwas‑inu, ḥarru‑d a‑yyi‑tɛawnt.

²⁰ jjnjm rruḥ‑inu zġ‑uwzzal, ula tudrt‑inu zġ‑waskarn n‑iyḍan.

²¹ fukku‑yyi zġ‑imi n‑izmawn, ula zġ‑waskawn n‑izgarn n‑tagant.

²² rad‑tmjjadġ ism‑nk ġ‑lgddam n‑aytma, ar‑ki‑ttalġġ ġ‑wammas n‑tamunt.

²³ ḥmdayt i‑sidi rbbi, a‑willi‑t‑ituqqarn, tssimġurm‑t a‑kullu tarwa n‑yaɛqub, tknum ay‑ayt‑israyil ġ‑umnid‑ns.

²⁴ ašku ur‑iḥgir wad iḍɛfn, ula ifl igllin‑ad ġ‑urfufn. hati isfld i‑twaġra‑nu, ur‑n‑flla‑idil udm‑ns.

²⁵ kiyi a‑rad‑tḥmadġ ġ‑tamunt imqqurn. ssafuġ tagallit‑inu ġ‑dar willi‑k‑ituqqarn.

²⁶ ra‑yili‑umššu i‑imẓlaḍ ar‑tšbaɛn. yili lḥmd n‑sidi rbbi ġ‑ġwilli‑t‑isiggiln, tili ṣṣaḥt i‑uwl‑nun ġilad tasawnt.

²⁷ ra‑gis‑swingimn ayt‑tmizar aggugnin, grawln‑d kullu s‑dar rbbi da‑illan, knun‑d tagʷmatin n‑iqbiln ġ‑umnid‑ns.

²⁸ ašku tagldit, tin sidi rbbi a‑tga. d‑nttan a‑iḥkamn f‑iqbiln n‑ddunit.

²⁹ rad‑as‑knun willi issḍnayn ih̬f‑nsn, sjdn‑as willi igguzn ġ‑ugdrur n‑wakal. ur‑ẓḍarn ntni ad‑ḥṣarn f‑tudrt‑nsn.

³⁰ rad‑fln tarwa‑nsn a‑tqasan sidi rbbi, ar‑addrn siditsn i‑tasut da‑d‑iftan.

³¹ aškin‑d ar‑tbrraḥn i‑willi ra‑d‑ilal f‑maylli iskr s‑ufulki‑ns izgan.