imurign 19 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

timuġra n‑rbbi

i‑rrays n‑umarg, amarg n‑dawd

¹ ignwan a‑issmalan timuġra n‑rbbi, tattuyt ar‑ttbrraḥ s‑iskkirn‑ns.

² azal ar‑yakka lah̬bar i‑uzal, d‑iyḍ ar‑tn‑imala i‑iyḍ ġ‑tgira‑ns.

³ ur‑nsfld i‑iwaliwn ula tajmmaɛt,

⁴ imma timitar‑nsn kkant kraygatt mani, truḥ‑twaġra‑nsn ttmi n‑wakal. iskr rbbi ġ‑ignna tazdġt i‑tafukt.

⁵ zikk a‑tnkkr zund asli zġ‑tgmmi, s‑lfrḥ a‑s‑a‑ttazzal zund yan itjhhdn.

⁶ hati ar‑di‑taqlay zġ‑ttmi n‑ignwan, tkl ard‑di‑tlulliy s‑ttmi yaḍni. ur‑illi ma‑ra‑irgs zġ‑trġi‑ns iḥrran.

⁷ hati yuwfa‑ulmmud n‑sidi rbbi, ar‑bdda‑issdus ul‑nġ. hati zgant tuggʷa n‑sidi rbbi, gnt tafhimt i‑ibujadiyn.

⁸ hati ġʷẓannt‑tnbaḍin n‑sidi rbbi, ar‑bdda‑ssfraḥnt tasa‑nġ. hati ġusnt luṣiyat n‑sidi rbbi, ar‑bdda‑tisfiwnt i‑walln‑nġ.

⁹ hati ṣfant‑tksaḍ n‑sidi rbbi, yan ġ‑llant ra‑ibidd idum. hati zgant lḥkamat n‑sidi rbbi, ar‑bdda‑ssrṣant lḥqq.

¹⁰ iɛzzu‑wawal‑nk uggʷar n‑uwrġ, iɛzzu f‑kigan n‑uwrġ iṣfan. imim f‑tammnt ula timqqa n‑imšḍ.

¹¹ ar‑ithdu willi‑k‑itqasan. d‑wanna srs iskarn, lh̬ir a‑rad‑as‑yili.

¹² ur‑nssin lɛib lli‑intln ġ‑uwl‑nġ. ssġus‑iyi a‑rbbi zġ‑ma‑gigi‑irgsn.

¹³ tḥṣart‑iyi a‑ur‑ffuġġ zġ‑wawal‑nk, ula ḥkamn gigi iskkirn ʷh̬šnnin. ġmkad a‑s‑rad‑gġ yan dar ul iṣfan, ula rad‑jluġ zġ‑uġaras‑nk.

¹⁴ rar iwaliwn n‑ils‑inu d‑iswingimn n‑uwl‑inu a‑k‑rḍun a‑sidi rbbi, ašku kiyin a‑igan ajarif n‑laman, tgt walli‑yyi‑ifukkan.