imurign 16 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

aġaras n‑tudrt

tallġat n‑dawd

¹ ssntal‑iyi a‑rbbi, ašku kiyin a‑ġ‑zawgġ.

² nniġ i‑sidi rbbi: «kiyin a‑igan rbbi‑nu, ur‑dari kra ifulkin abla kiyi.»

³ ġwilli tẓlit ad‑gn wink ġ‑ddunit, ntni a‑ihiyyan, d‑ntni a‑s‑a‑tfraḥġ.

⁴ imma willi itazzaln s‑dar id‑rbbi iġribn, hatni ar‑ssigatn tiguḍiw i‑ih̬f‑nsn. ur‑ra‑didsn‑tmunuġ lliġ a‑n‑ssakmurn idammn, wala da‑tẓallaġ s‑ism n‑id‑rbbi‑nsn.

⁵ kiyi a‑sidi rbbi a‑igan taġamt‑inu n‑lh̬ir, hati lkas‑nk a‑zġ‑a‑ssaġ, ar‑iyi‑tssafawt ma‑flla‑tqṣadt.

⁶ ttrsn‑iyi‑d iwtta f‑ikalln flujjanin. mnšk a‑ifulki lwrt‑inu.

⁷ škrġ i‑sidi rbbi lli‑yyi‑imalan aġaras. ula d‑iyḍ ar‑iyi‑itnṣaḥ‑uwl‑inu.

⁸ ar‑tti‑tawiġ ġ‑sidi rbbi ass kullut, yili bdda ġ‑tama‑nu, d‑ur‑sar‑knukiġ.

⁹ mayan a‑f‑ifjjij‑uwl‑inu, ar‑issmrġa‑uwdm‑inu s‑lfrḥ, hati ddat‑inu tqama ġ‑laman,

^10-11 d‑ur‑ra‑n‑tflt rruḥ‑inu ġ‑tdrut n‑wakal. hati tmlit‑iyi‑d aġaras n‑tudrt, d‑ur‑ra‑tadjt amẓlay‑nk a‑irkm ġ‑umḍḍal. ġ‑dark a‑ġ‑illa lfrḥ ikmmln, tama‑nk a‑ġ‑rad‑fjjijġ kullu mayd iftan.