imurign 15 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

wa‑rbbi ma‑ra‑n‑ikšm?

amarg n‑dawd

¹ wa sidi rbbi, ma‑ra‑n‑ikšm s‑untal‑nk? d‑ma‑ra‑tadjt a‑ig anbgi f‑uwrir‑nk amẓlay?

² wanna‑ġ‑ur‑illi lɛib, ar‑iskar afulki. ar‑ittini lḥqq s‑nniyt n‑uwl‑ns.

³ d‑ur‑a‑itadj targgimt a‑tk infurn‑ns. ula da‑ittini gar awal f‑wadjar‑ns. ula da‑itasi takndawt f‑umddakkʷl‑ns.

⁴ izga bdda ġ‑wawal‑ns, iqama gis wah̬h̬a ġ‑uzmz išqan. yuqqr wanna iksuḍn sidi rbbi, imma yan ih̬za ur‑a‑stt‑gis‑itawi.

⁵ ur‑a‑itḍalab uggʷar n‑urṭṭal‑ns, ula da‑itamẓ tikki a‑isskarks f‑yan iṣfan. yan imunn d‑uġaras‑an, ur‑illi ma‑ra‑t‑issmass.